Page 15 - MIN JUS

AWEMainta Diasabra, 29 Juli 2017 25

Amy Richards (MEP):

Pakico gobierno ta trata di ignora

e nivel di pobresa na Aruba?

ORA cu un persona scoge pa ta un politico, bo
ta scoge pa subi un plataforma publico caminda
bo ta haci e compromiso pa representa e pueblo.
Pa bo por representa bo comunidad den un forma
digno, bo mester por sa con ta bayendo cu bo
pueblo. Ora mi scucha algun mandatario papia y
declara cu “cos ta bon”, mi ta puntra mi mes, pa
ken cos realmente ta bon? Amy Richards ta puntra.

Pobresa serio
Aña pasa, Cruz Cora a informa e comunidad cu e
nivel di pobresa na Aruba ta alarmante mirando cu
cada dia nan ta ricibi peticion pa pakete di cuminda
y tambe paña.

Esaki mester tabata un “warning sign” p’asina actua
lihe pa trata di combati pobresa, mirando cu un in-
stancia di crisis mes ta anuncia cu e nivel ta alarmante.
E comunidad mester realisa cu pobresa ta algo serio
y por pasa cu cualkier persona.

Durante campaña, mi a conoce hopi famia cu ta
comparti nan precupacion pa Aruba su situacion
financiero, cu ta den un estado critico actualmente.
Hopi famia ta biba den pobresa y ta anhela pa un
alivio, pa asina por haya e forsa pa por mantene nan
famia den un ambiente trankilo y feliz,

Apoyo y sosten
E prome stap pa soluciona un problema, ta pa
acepta cu e problema ta existi y como candidato
hoben riba lista di MEP, mi ta cla y dispuesto pa
traha duro pa percura pa ningun mucha mester bay
scol cu hamber. Como mama hoben, mi kier apoya
y sostene otro mamanan, p’asina nan no mester
pasa nan dia ta preocupa si mayan cos lo drecha.
Cu bo sosten, lo mi traha pa brinda oportunidad
na personanan pa siña y desaroya nan mes p’asina
hunto nos crece y sigui bay padilanti, Amy Richards
a termina.