Page 36 - MIN JUS

E ultimo dos dianan aki, a tuma lugar na Aruba e cumbre conoci como CLACIP, cu ta
nifica Comunidad Latino Americana y del Caribe de Inteligencia Policial. Esaki t’e di 12
biaha cu e cumbre aki ta wordo organisa y a toca Aruba e honor di por tabata e anfitrion
di e cumbre grandi aki e aña aki.

N’e cumbre aki ta reuni tur e specialistanan di inteligencia policial di region, pa di e
forma aki nan por debati y intercambia di opinion como tambe informacion anualmente,
riba topiconan di interes comun.

Un di e interes comunnan aki ta manera por ehemepel, e lucha contra di crimen
transnacional. Ta pa motibo cu crimen organisa ta hopi activo transnacionalmente, cu
diesdos (12) aña pasa, a duna inicio n’e organisacion aki, pa di un forma conhunto y
solidario, combati crimen den nos region.

Pa loke ta trata crimen transnacional cu ta afectando entre otro Aruba, pero tambe
Colombia, t’e situacion inestable cu tin na pais bisiña, esta Venezuela.

Prome Minister mr. Mike Eman y Minister di Husticia mr. drs. Arthur Dowers, tambe
tabata presente na apertura di e cumbre aki. Por a tuma nota cu Minister Dowers for di
tempran tabata presente y a hiba combersacion cu varios di e topnan hudicial di varios
pais.

Nos a puntra Minister Dowers den pauze kico e cumbre aki ta nifica pa pais Aruba como
pais miembro di e organisacion aki conoci como CLACIP.

Minister Dowers a splica nos, cu e ta di sumo importancia pa pais Aruba, pa motibo cu
nos ta un pais chikito rondona cu laman y mirando nos posicion geograficamente, e ta
sumamante atractivo pa criminalnan usa Aruba sea como trampolin pa bay otro
destinacion, como tambe pa otro tipo di delincuencia pa na bin Aruba y comete un
crimen, pa despues di esaki nan bolbe bandona nos pais.

Segun e mandatario a splica, cu ta durante e tipo di cumbrenan manera esaki, ta discuti
varios punto importante pa contraresta crimen organisa y transnacional cu ta afecta tur
pais den region y sigur un mas cu e otro.