Page 29 - ATA

Djasabra 6 Yanüari 2018

Presidente venezolano a sera frontera

ku Kòrsou, Aruba i Bonaire pa 72 ora

DEPORTE
Beisbòl Little League a start

ku tradishonal torneo FABB

LOKAL

Stòf di Sahara lo drenta

nos área

PERDE KONTROL

WILLEMSTAD. - Tabata mas o ménos algu pasá di 9’or di anochi ku sentral di polis
mester a dirigí un patruya pa e sitio di aksidente ku urgensia. Polis a topa ku un outo
duars den kaya i ku dos persona heridá. Pa motibunan te ainda deskonosí shofùr di
un outo Kia Picanto a pèrdè kontròl i dal su outo den un di e palmanan ku tin mei
mei riba e karetera Helmin Wiels Boulevard. E impakto tabata fuerte, si tuma nota
kuantu daño material e outo a haña. Un hobensito ku tabata den e outo a risibí sla,
pero afortunadamente no di gravedat. Polis a haña e hobensito sintá dilanti banda
di e shofùr ku hopi spantu. E shofùr tabata den shòk i tabata keha di basta doló. Tur
e dos okupantenan a keda transportá pa Poliklínika.