Page 15 - AM201026
P. 15
Dialuna, 26 October 2020 AWEMainta 15
Accidente serio diabierna anochi riba ex Sasakiweg,
un persona a keda pega den auto
DIABIERNA anochi den careda di 11:15, habitantenan pariba
e ex Sasakiweg a scucha un zonido hopi duro. Algun persona me-
sora a pensa riba un dalmento, y enberdad esaki tabata e caso.
N’e mesun momento 911 tambe a cuminsa haya informacion di
un accidente serio riba ex Sasakiweg.
Na yegada di Polis, nan ta topa cu un vehiculo cu tabata bayendo
direccion nort, y dado momento e auto aki a perde control y kita
bay na su banda drechi dal un pal’i luz y despues bay termina den
e yerbanan.
Tabata trata di un Nissan Teana color blanco cu dos ocupante.
E pasahero tabata esun cu a keda pega y mester a haci uso di
Brandweer pa libr’e.
E chauffeur si a logra sali prome. Despues di algun rato Brand-
weer hunto cu e Paramediconan a saca e pasahero cu a wordo
poni riba stretcher, pa despues wordo hinca den Ambulance.
Durante cu Bomberonan y Paramediconan tabata purba pa saca
e pasahero por a nota un dama y un cabayero a presenta y tabata
basta emociona, posiblemente famia di esnan envolvi den e ac-
cidente.
Rotonde Sasaki a wordo sera p’asina trafico no pega debi n’e ac-
cidente y tambe pa Departamento di Trafico por haci su trabou.
Tambe nos a compronde cu e mesun auto aki lo a mishi cu otro
vehiculo riba e caminda.
