Page 32 - MIN VOS

AWEMainta Diamars, 12 September 2017 19

Inspector General
mr. Dorylee Pappers-Lopez Penha

IVA lo controla a base

di normanan di cuido

Cla pa contesta tur pregunta of suministra

informacion na paciente of clientenan

PA Inspectie Volksgezondheid Aruba (IVA) tabata
un dia special diahuebs ultimo, ora a inaugura nan
oficina nobo. E celebracion a bay den un ambiente
ameno cu tur invitado y empleadonan contento di
mira e localidad nobo.
Inspector General di IVA ta mr. Dorylee Pappers-
Lopez Penha, kende hunto cu su team a traha duro
p’asina por a yega e localidad.

Ta importante pa pueblo di Aruba sa unda por yega
cerca nan y cu Departamento di IVA t’ey pa brinda
asistencia, pero tambe pa cualkier keho cu por tin
y nan sa precies unda pa bay. E momento di e ap-
ertura tabata uno hopi special pa tur trahador di e
departamento.
Meta di IVA ta pa tin un laso estrecho cu tur otro
departamento y ta traha cu tur partner den cuido.
Hunto cu e partnernan, IVA lo desaroya pero tambe
controla y supervisa cu tur partner den cuido ta tene
nan mes n’e normanan.

“Partnernan importante pa nos ta p.e. Ministerio
Publico, unda cu nos lo traha den estrecho cu nan”,
mr. Dorylee Pappers-Lopez Penha a indica. Trahando
hunto cu nan ta pone cu IVA por discuti casonan cu
ta bin cerca nan.

Inspector General a manda un mensahe na comuni-
dad di Aruba cu si un hende como paciente of cliente
tin cualkier pregunta of falta di informacion pa loke
ta cuido di Aruba of tin keho riba cuido brinda nan
nan, cu nan por pasa cerca nan.
IVA t’ey pa duna e ayudo y duna guia den e direc-
cion corecto.

Despues cu Parlamento a aproba su creacion y a pasa
e leynan corespondiente di control y sancion, desde
dia 1 di januari 2017, Inspectie Volksgezonheid
Aruba a bira un realidad y mescos t’e leynan cu a
drenta na vigor.
Pa por garantisa cu tur partner envolvi ta consciente
di e norma, reglanan y e sancionnan mara n’e control
riba calidad, a topa cu tur durante varios seminario.

Inspectie Volksgezondheid Aruba (IVA) ta un organo
cu ta encarga cu control di calidad y seguridad den
nos cuido medico. Pero mas aleu tambe lo e sirbi
como consehero pa Minister di Salud y e Ministerio
di Salud y e sector completo, o sea, e centro unda tur
cos lo mester pasa p’asina yega n’e nivel di calidad y
seguridad cu tin mira riba dje.