Page 28 - AVP

Mike De Meza N’e Ladron Di Lotto: No Tin Spiel Na

Bo Cas?

 Local
- 10/02/2020

“Ni cuanto un hende cu pueblo conoce como un lardon y estafador purba di manipula cu
cifra y crea storia pa purba descredita otro hende, e ta keda un ladron y estafador! Riba
dje ora scucha tur su barbaridadnan e ta prueba cu tambe e ta un payaso politico cu
ningun credibilidad den pueblo! Un dicho conoci di nos grandinan ta bisa cu un porco
sushi semper sa busca muraya limpi pa frega su curpa!”, asina Mike de Meza a cuminsa
su articulo dirigi na Endy Croes di partido MEP, kende ultimamente a bin ta ataca de
Meza ferozmente.

Endy Croes den bista di pueblo ta un politico cu un trayectoria sumamente cuestionabel y
condenabel. Awe ta chistoso con Endy Croes kier manipula y crea storianan falso riba tur
oponente politico. Hopi hende no ta sigur si esaki ta falta di su capacidad di inteligencia
of si ta su mente maligno troci tin e persona aki tur bruha? Locual si ta sigur ta cu e ta
carece di tur credibilidad den pueblo, Mike de Meza a sigui declara.

“Ora un persona ta parti di un organisacion politico cu tur dia ta purba di atacha nomber
di tur otro persona y yama tur hende pa curupto basa riba storianan cu e ta crea y uza
cifranan cu e no ta compronde y cu no ta cuadra caminda e ta sacanan for di tur contexto,
cada ken lo yega n’e conclusion cu aki bo ta papia di un payaso politico.

Pasobra si acaso bo ta serio y responsabel y bo tin tur locual bo ta bisa tur dia y bo ta
pretende cu esaki ta real y corecto, anto bo mester bay entrega un keho oficial na husticia
y para p’e consecuencianan!