Page 31 - AVP
P. 31
Endy Croes den bista di pueblo ta un politico cu un trayectoria sumamente cuestionabel y
condenabel. Awe ta chistoso con Endy Croes kier manipula y crea storianan falso riba tur
oponente politico. Hopi hende no ta sigur si esaki ta falta di su capacidad di inteligencia
of si ta su mente maligno troci tin e persona aki tur bruha? Locual si ta sigur ta cu e ta
carece di tur credibilidad den pueblo!
Ora un persona ta parti di un organisacion politico cu tur dia ta purba di atacha nomber di
tur otro persona y yama tur hende pa curupto basa riba storianan cu e ta crea y uza
cifranan cu e no ta compronde y cu no ta cuadra caminda e ta sacanan for di tur contexto,
cada ken lo yega na e conclusion cu aki bo ta papia di un payaso politico. Pasobra si
acaso bo ta serio y responsabel y bo tin tur locual bo ta bisa tur dia y bo ta pretende cu
esaki ta real y corecto, anto bo mester bay entrega un keho oficial na husticia y para pa e
consecuencianan! Pero ora bo ta payaso politico anto ta payasada bo ta keda haci tur dia,
bo mester busca pa sania bo consenshi of busca ayudo psikiatrico!
Aun mas ora e mesun persona aki ta conoci den pueblo di ta un estafador tur caminda cu
el a traha of haci negoshi. Lo ta bon pa puntra pueblo con un partido politico ta tribi di
pone un persona asina riba lista pa representa pueblo ora cu TUR hende sa cu e persona
ta conoci di ta un lardon y estefador.
Un persona cu tabata meti den corupcion den Lotto oa Deporte, a bay cera pa simannan
largo, a perde tur su casonan laboral den tur instancia di Corte y a wordo retira di trabow,
un persona cu tabata meti den mensenhandel, un persona cu a estafa AZV, un persona cu
a estafa ELMAR, un persona cu a estafa loteria, un persona cu a estafa deporte y asina tin
mucho mas! Awe un persona asina kier acusa otro hende drechi cu un set di storia traha y
cifranan manipula cu e mes lastimamente no tin e capacidad di compronde.