Page 38 - KPA

Mester cambia ley pa asina e nightclubnan cu keda faya pone

un cadena na nan porta pa semper

Tuesday, 25 April 2017 20:56
Comparti

Nos a puntra minister Arthur Dowers si el a duna ordo pa no cera e bar situa den Driemasterstraat. Ta
trata aki di Bar-a-Bar.

El a tuma nota si cu partido MEP, den e caso aki, sr. Edmond Croes tin un papelucho of algo cu e ta pone
riba social media, caminda cu e lo a trece e mentira aki padilanti, cual lo bay atende cu esaki legalmente.
No ta prome biaha cu nan ta hacie. Ta varios biaha ta tilda e minister cu algo ilegal. E hendenan aki ta
sospechosonan di a horta hopi miyon di Lotto e tempo aya. Tin di nan a wordo deteni y a wordo scucha.
E tempo aya, despues di un investigacion haci door di un fiscal di Hulanda, a bin yega na conclusion cu
tin hende cu a sabotea e investigacion cu nan por a scapa. Nan ta hendenan cu nan no sa den kico nan
tabata meti. Nan kier lastra e minister den cierto cosnan y lo atende esaki den formanan hopi mas serio.
Tin hendenan liga na nan cu a difama e minister den social media, pero lo ta interesante cu nan lo por
trece prueba.

Nan a hasta sugeri cu e minister tabata. E no ta riba lista di MEP, cu ta para bebe den bar, core dal auto,
laga hende canto di caminda, etc. E ta imposibel cu e hendenan aki ta serio y ta yama nan mes periodista
door di haci tipo di cosnan aki.

Pero lo atende cu esakinan legalmente.
Ta mira cu polisnan den siman y den weekend cu ta bay na cierto negoshinan ta cera luga. Ta bay tin un
cambio di ley, segun e minister, caminda cu ta bay un luga, caminda cu ta avisa cu ta cumpli cu ley, pero
ta bay over na cera e luga. Ta pone cadena na porta, traha proces verbaal y ta cobra boet. No ta bay keda
haci loke ta keda haci aña aden y aña afo.
Hopi biaha ta nan mes ta grita y ora mira ki tipo di actividad nan ta haci den comunidad, e ora ta puntra
ta ki sorto di hende nan ta. Si bo tin un permiso te cu 3’or di marduga, tin cu cumpli cu ley. Polis no
mester cada biaha tin cu bay babysit y bisa cu tin cu bay cera. Ta diferente triki cu nan ta uza, pero nan
no tin cu lubida cu nan por tin triki, pero cuerpo policial tin solucion pa triki

http://www.24ora.com/index.php?option=com_content&view=article&id=121191:-mester-cambia-ley-
pa-asina-e-nightclubnan-cu-keda-faya-pone-un-cadena-na-nan-porta-pa-
semper&catid=6:policial&Itemid=8