Page 41 - KPA

Minister di Husticia y Alto mando policial satisfecho cu e bon

trabao haci den detencion di criminalnan

Tuesday, 25 April 2017 20:51
Comparti

Pa loke ta e parti di kiebro den casnan. Tin di compronde cu tin un serie di detencion, mas cu 30.
Regularmente ta detene masha hopi hende, segun Minister Dowers, cu ta envolvi den tipo di crimennan
aki.

Varios di nan tabata cera y ora cu nan sali, nan ta cuminsa cu e actividadnan aki bek. Ta pesey tambe ta
importante pa traha mucho mas integral cu ta trahando te na e momentonan aki. Ta kere cu e unico
forma cu por garantisa cu na fin di dia, banda di e hecho cu tin cu educa y forma bo hendenan, preveni pa
hendenan malo bin di pafo, mester, ora cu hende drenta prizon y ta logrando esey tambe, pa cuminsa
rehabilita, despues di tanto aña, duna contenido na rehabilitacion di prezo, no cera nan pa nan sigui haci
malo, e minister a comenta.
Nos a papia cu alto comisario di polis, Dolfi Richardson, kende a comenta riba solucionnan riba casonan
cu tin. Por a tuma nota cu tabata tin hopi kiebro den cas, pero tin un avalancha di detencion tambe.
El a splica cu si e bay riba e parti di atraconan, mirando cu riba e tereno ey a score hopi bon durante e
ultimo lunanan, a wordo confronta cu un ola di atraco cu a tuma luga y haciendo uzo di e oportunidad, a
felicita e coleganan cu a haci un bon trabao, pa detene e malhechornan aki.

Ta asina cu tin e teamnan di recherche tambe cu ta trahando incansablemente pa por soluciona y pa
detene e responsabelnan pa e kiebronan di cas y atraconan aki.

Pesey Cuerpo Policial ta dicidido y ta comprometi pa e causa aki.

E manera mas facil
E alto comisario a comenta cu hopi biaha el a wordo confronta cu e pregunta cu ta haciendo uzo di tur
dato cu nan tin cu nan tin na nan disposicion pa asina nan por trata di haya sa di e identidad di e
malhechornan aki. E privacy laws, no ta duna nan posibilidad pa nan por check tur e databasenan por
ehempel AZV, cual ta un instancia cu tin dactie, fingerprint di tur ciudadano cu tin inscribi den nan
sistema, pero como husticia, polis no por haci uzo di e databasenan asina. Ta cosnan cu den futuro lo tin
cu wak si ta posibel.

Ta compronde cu den cuadro di privacy law ta fastioso, pero esaki lo yuda hopi bon pa por resolve cierto
casonan.

Training constant

Awor aki mes tin dos colega ta coriendo stage na Hulanda. Den e ultimo aña aki a upgrade y pone enfasis