Page 22 - MIN VOS AUG 08

24 AWEMainta Diabierna, 07 Augustus 2015

Mas muchanan di scol a
wordo educa pa ‘Oral

Health Foundation Aruba’

DEN e ultimo simanan prome cu e aña escolar a termina, ‘Oral Health Foundation Aruba’

(OHFA) a bishita Prinses Amalia Basisschool p’asina duna un presentacion interactivo
n’e muchanan di klas 1a y klas 1b.

Cu esaki OHFA kier logra p’e muchanan drenta nan periodo di vacacion bon na altura
con pa cuida nan djentenan p’asina gosa di un salud oral optimal. E muchanan y
maestranan a keda sumamente content cu a tuma tempo pa educa e muchanan
riba cuido oral y e importancia di esaki.

Oral Health Foundation Aruba (OHFA) hunto cu Jeugd Tand Zorg lo ehe-
cuta varios campaña di conscientisacion y programanan di educacion
na diferente scolnan na Aruba.

“Cu e actividadnan aki e fundacion y JTZ kier logra promove cuido
oral serca e muchanan di scolnan basico na Aruba,” segun Dr. J.K.D
Franca, fundadora di Oral Health Foundation Aruba.

Durante e siguiente aña escolar Oral Health Foundation Aruba
lo continua cu su programanan di conscientisacion na diferente
scolnan rond di Aruba.

Personanan interesa p’e fundacion pasa na scol di nan yiu por
manda un email na info@oralhealthfoundationaruba.com of
por jama libremente na 5941812.

Pa keda na altura di e desaroyonan di Oral Health Foundation Aruba por bishita
nan pagina di Facebook.