Page 24 - MIN VOS AUG 08

26 AWEMainta Diabierna, 07 Augustus 2015

JORDY

GROTERS
CU OTRO

RECORD ARUBANO

NA KAZAN,

RUSSIA

RIBA e di tres dia di e 16 FINA Campeonato Mundial

na Kazan, Russia, Jordy Groters a termina su temporada
competitivo cu tremendo resultado.

Den 50m Pecho, Jordy Groters
a bolbe mehora su mihor tempo
pa kibra un biaha mas e record
Arubano absoluto cu un tempo di 28.64.

E tempo aki a laga Jordy na di 41 posicion di mundo.
Jordy Groters su coach, Andrew Grevers di University of
Missouri cu ta compañe na Kazan tabata hopi satisfecho
cu Jory su careda, splicando cu durante Jordy su prome
aña na University of Missouri, nan a traha hopi riba e
tecnica di Jordy su estilo.

Semper ora tin cambio grandi e ta afecta e resultado den
comienzo. Coach Grevers ta hopi contento cu asina mes
Jordy por a mehora su temponan den su eventonan y e
ta convenci cu e próximo aña nan lo por cuminsa traha
riba e speed, y esey lo resulta den temponan mucho
mas liher.

Jordy Groters awor por relaha na Kazan y disfruta di e
campeonato. Despues Jordy lo biaha bek pa Missouri
unda e lo cuminsa prepara su mes p’e temporada di pi-
scina cortico di Universidadnan na Merca. Jordy Groters
ta drenta su di dos aña di estudio na University of Mis-
souri y e mes ta bisa cu e ta cla pa cuminsa su preparación
e próximo lunanan.

Diarazon ultimo na Kazan ta toca turno pa Mikel
Schreuders den 100m Liber.