Page 33 - MIN.VOS MRT 24

DIAMARS 24 MAART 2015
KFC ta apoya e team femenino y
division di honor di RCA
ORANJESTAD (AAN): KFC
ta consciente cu deporte ta
importante pa nos hubentud,
pa e motibo aki nan ta duna
un sponsorship na e team
femenino di RCA y tambe
na e division di honor. KFC
ultimamente ta mas activo den
nos comunidad. Den e lista
largo di aporte cu KFC a haci
pa nos comunidad sigur cu
deporte no por keda afo. Esaki
sigur ta sosode enconexion cu
e introduccion di nan ultimo
plato riba menu.
KFC a introduci fin di
Februari e "Original Recipe
Chicken Salad", cual ta
un plato saludabel y cu tin
proteina. E ta sigur un plato
cu deportistanan por come
ya cu e tin hopi elemento
saludabel y tambe e galiña
original, crispy y dushi cu
solamente KFC por ofrece.
Den e pensamento aki KFC a
enfoca su ultimo aporte na un
team deportivo. KFC ta sigur
cu RCA a demostra di por
forma parti di e gran famia di
KFC.
RCA igual cu KFC ta
demostra cu nan ta un gran
famia y p'esey KFC ta
contento di ta parti di esaki
y cu hunto nan por yuda nos
hubentud pa sigui den e bon
caminda. KFC a dicidi di no
solamente apoya un team di e
gran famia di RCA, pero 2 y
sigur nos lo tende y mira hopi hunto cu e directiva. Tambe
cos bon di e 2 teamnan aki.
Durante e firmamento di
contract tabata presente Sr.
Brian Spaandonk Restaurant
DIARIO
General Manager na KFC
Aruba y Sr. Roland (Ditto)
Acosta Presidente di S.V RCA.
por mira cu e futbolistanan
presente y miembronan por
a disfruta di un dushi pida
galiña crispy di KFC.
PAGINA 23
Mal custumber ta
mal custumber
Hopi di esunnan cu stop di huma sigaria ta pensa cu e sigaria
electronico (E-Cigarettes) ta un alternativa safe. E problema di e
E-Cigarette no ta solamente cu e no ta safe pero cu e ta mantene
e habito di huma (tene e sigaria den man, dal un pof, supla e
huma, etc.) bibo den e mente subconsciente di e humado.
E realidad ta cu door di mantene e mal custumber na bida e
persona no ta laga bay di e habito. Cualkier situacion di stress of
otro situacion por causa cu e persona cu a cambia pa E-Cigarettes
ta bolbe cuminsa huma sigaria bek.
E E-Cigarette ta un aparato electronico cu ta identico na un
sigaria cu ta keinta un likido y ta saca un vapor cu ta wordo
inhala. Hopi biaha e likidonan aki tin diferente sabor y casi
semper ta contene nicotina. E E-Cigarette a haci su entrada na
Merca na 2007 y den e ultimo 7 aña a bira hopi popular. Door
cu e E-Cigarette no ta wordo regula, no tin edad minimo na ken
por bende y ta wordo comercialisa masha fuerte na nos hubentud
cu pakinan atractivo y sabornan unico. Pa motibo cu e no ta
contene tabaco no tin accijnzen (invoerrechten) ariba dje. Na
Merca, den e ultimo dos aña, e uzo di E-Cigarettes entre mucha
cu ta bay scol secundario a triplica y mas sigaria electronico ta
wordo huma door di mucha compara cu sigaria normal. Den e
ultimo aña e uzo di E-Cigarettes entre esunnan di 18 pa 29 aña
a triplica.
E tendencia aki ta preocupante particularmente door di falta
di informacion ariba e efecto ariba termino largo di dje ariba
nos salud. Door cu e E-Cigarettes no ta regula a constata cu
den cierto caso e ingredientenan menciona ariba e paki no ta
cuadra cu realidad. Tambe cu aunke algun ta menciona cu nan
no tin nicotina toch nan ta contene esaki. Nicotina ta un veneno
peligroso cu ta impacta nos curpa, particularmente nos curason
y arterianan.
E problema mas grandi cu E-Cigarettes ta cu e ta haci e paso pa
huma sigaria uno hopi mas facil y un estudio recien ta indica
cu teenager cu huma E-Cigarettes tin dobel e chens di cuminsa
huma sigaria y di bira un humado bicia den futuro.
Ora nos haci algo repetitivamente nos mente subconsciente
ta acepta esaki como normal y importante y e ripiticion aki ta
pone cu e ta bira permanente den nos mente subconsciente. Esey
kiermen cu un mucha cu ta cuminsa cu un sigaria electronico ta
condiciona su mente pa haci e custumber aki permanente.
Pa esunnan cu ta humando sigaria, e E-Cigarette ta mantene
e mal custumber y e pregunta ta: "pakico lo nos kier permiti
esey?"
Un pregunta mucho mas importante ta: "pakico nos lo kier tin
un producto ariba mercado cu ta incentiva nos hubentud pa nan
cuminsa huma?"
Tur dia ta sali mas y mas evidencia cu sigaria no ta discrimina,
e ta mata tur esunnan cu crusa su caminda. Estudionan publica e
aña aki na Australia ta indica cu 2 di cada 3 humado ta muri pa
motibo di humamento. Hopi no ta para keto un rato y pensa con
devastador e estadistica aki ta. Pensa un rato cu bo bay un casino
anto nan bisa bo cu bo tin 70% chens di perde tur bo cen cada
biaha bo hunga un cierto wega. Abo lo hunga e wega ey? Claro
cu no!! E chens di perde ta mucho grandi.
Awo como humado bo a pensa esaki? Si bo no lo hunga un wega
asina pasobra e ta horta bo, pakico lo bo laga sigaria si horta bo
salud y bo bida?
Sigaria ta horta un averahe di 10 aña di e bida di e humado. Esaki
ta 10 aña mas cu nan por a pasa cu nan sernan stima. Esunnan cu
ta huma 10 sigaria pa dia tin dobel e chens di muri y esunnan cu
ta huma mas cu 25 sigaria pa dia tin 4 pa 5 biaha mas chens di
muri prematuramente.
E bon noticia ta cu nunca no ta laat pa stop di huma! Mas lihe bo
stop, mas lihe bo curpa ta cuminsa regenera su mes y rapidamente
lo bo cuminsa sinti miho. Awo ta un bon momento pa bo stop di
huma! Tin diferente metodo cu por yuda bo. Hypnosis ta un di
nan si abo ta motiva pa stop.