Page 32 - AWEM8MARCH2017

32 AWEMainta Diaranson, 8 Maart 2017

Invitacion na nos productornan local pa nos Mercado Santa Rosa

MANERA a wordo publica ateriormente den un comunicado

cu nos prome Mercado Santa Rosa ta tuma luga diadomingo 2 di
april venidero for di 9’or di mainta pa 2’or atardi na Santa Rosa.
Nos ta haci un apelacion na nos productornan local cu tin cosecha
pa e fecha ariba menciona di nos mercado pa tuma contacto cu nos
departamento di Agricultura, Cria y Pesca Santa Rosa na tel: 585-
8102 p’asina nos por tin mas productonan fresco den nos mercado.
Por informa tambe kico ta e producto sea ta fruta of berdura.
Nos mercado ta ofrece un tent mas dos stul p’asina bo por acomoda
bo productonan y den caso cubo ta bay uza coriente mester avisa
esaki delanta p’asina nos por tin un control debido riba kendenan
mester di coriente.
Tene bon cuenta tambe cu nos mercado ta solamente pa produc-
tonan local cu ta na prome luga fruta y berdura fresco, cuminda
crioyo sigur no por falta den nos mercado.
Tene bon cuenta cu esnan cu ta ofrece cuminda mester tin nan
“Carchi Berde” di Volsgezonheid pa bo por wordo permiti pa benta
di cuminda den nos mercado
Nos artesanonan ta mas cu bon bini pa participaden nos mercado
manera semper pa asina ofrece nan obra na e publico. Pa esnan
cu ta traha liquornan local manera rum, biña tambe ta bon bini.
Pa esnan cu ta bin ofrece carni fresco corda cu esaki mester ta haci
via di e canalnan oficial cu ta Servicio di Veterinario conoci como
Abattior.
Na momento di participa den nos mercado bo carninan mester
wordo bon paketa y poni den un freezer na un temperature ad-
ecuado. Tene bon cuente cu tur e rikesitonan aki p’asina bo por
participa den nos mercado diadomingo 2 di april.
Si pa e fecha aki bo tin cosecha no lubida di tuma contacto cu nos
na tel: 585-8102 p’asina nos por tin mas productonan local y fresco
den nos mercado pa ofrece na e publico bishitante.