Page 2 - LOTTO MARCH 2,2016
P. 2
E cuerpo di hurado cu tin e tarea dificil pa scoge e atleta cu a
resalta na aña 2015
Tuesday, 01 March 2016 18:07
Comparti
Tur aña un comision consistiendo di representantenan di diferente instancia di deporte manera
Ministerio di Deporte, IBiSA, Lotto, COA, ASU como tambe nos reporteronan deportivo di corant, radio,
website y television ta bini hunto pa escoge nos miho atletanan cu a destaca den e aña deportivo cu a
transcuri, e aña aki 2015.
Un trabou cu sigur no ta uno facil mirando e tantisimo nominacionnan cu mester wordo analisa
conhuntamente cu e demas logronan di e atletanan cu a destaca den aña menciona. Un bes pa siman y pa
mas cu dos luna largo e Comision encarga a bini hunto pa asina evalua tur informacion y comentario
ricibi di e Federacionnan Deportivo pa a lo largo deposita nan voto di preferencia segun e criterianan. Pa
loke ta e votacion pa e atletanan di aña 2015, e huradonan un bes mas tabata tin e tarea dificil ya cu cada
un a haya e oportunidad di defende su escohencia y hiba esaki den forma di discusion y evaluacion
propio. Mester corda si cu e huradonan a traha a base di e informacion ricibi di e diferente federacionnan
cu ta manda nan atletanan nomina. Na final a vota den forma democratico pa asina saca e ganadonan.
Den Premio Excelencia de Deporte 2015 por a vota den nuebe categoria mientras e Comision lo rindi
tambe homenahe na algun figura deportivo, manera por ehempel directiva, entrenador, coach, referee of
umpire cu a sobresali den deporte of ta duna su tempo y dedicacion na deporte. E miembronan di
comision encarga pa escoge e miho atletanan a consisti di Jos Maduro di Sportsubsidie Commissie,
Wilfario Willems alabes presidente comision di IBiSA San Nicolas, Gerald Franca di ASU, Claret Lopez di
Time Out, Cadochi Kock di ATV, Jenny Loefstok di Radio Galactica, Elias Kock di Lotto, Nathalie
Winterdal di Bon Dia Aruba, Ricardo Jimenez di Diario, Gilbert Croes di Sportkids Aruba, Hubert de
Cuba di Sportpics Aruba, Milder Wever di IBiSA, Manuel da Silva di Tele Aruba y Seever Krozendijk.
E Comision ta spera cu riba e dia di e evento di gala tur escohencia lo wordo respeta, acepta y aplaudi den
gran forma. Diarazon dia 23 di maart proximo, e galardon Premio Excelencia den Deporte lo tuma luga
den e mahestuoso ballroom di Aruba Marriot Resort
