Page 6 - LOTTO MARCH 2,2016

Ta renegociando contract di Lotto pa mas subsidio pa
deporte

Tuesday, 01 March 2016 20:38
Tweet
Comparti

E renegociacion di e contract cu e compania cu ta maneha Lotto pa Deporte, esta Canadian Bank Note a
cuminsa. Pa subraya e compromiso di tur partido envolvi, siman pasa Minister di Deporte dr. Alex
Schwengle, directiva di Fundacion Lotto pa Deporte y Canadian Bank Note a firma un Memorandum of
Understanding (MoU) pa yega na un amienda pa cu e contract existente.

Negociacionnan ta andando y e amienda mester keda cla pa firma na april proximo.

Minister Alex Schwengle ta splica cu for di aña pasa el a expresa cu interes pa renegocia e contract. E ta
subraya cu mester corda cu tempo cu a cera e contract actual, Lotto tabata experenciando un situacion
precario financiero, hasta por bisa cu e situacion tabata deplorabel, cu miyones di florin na debe. Pa
rescata e fundacion y e loteria, Gobierno y e fundacion a yega na un acuerdo cu Canadian Bank Note
(CBN), cual a carga cu hopi riesgo financiero. A cera un contract na 2011, den cual CBN a compromete
nan mes pa contribui 3.5 miyon florin anualmente pa deporte na Aruba.

Asina a logra pone un paro na e mal maneho cu a causa desaster den Lotto y pa e loteria bira lucrativo
atrobe; cu clientenan, empleadonan y rebendedonan satisfecho cu e producto den su totalidad.

Minister Schwengle a bisa cu awendia tin un surplus substancial, cu ta bay bek den deporte, ademas di e
3.5 miyon florin cu ta specifica den e contract. E renegociacion di e contract ta consisti principalmente di
dos aspecto, detayenan legal cu mester di atencion, segun e mandatario. El a splica cu e ta desea ainda
mas transparencia. Tur aña tin jaarverslag y nan ta wordo publica y aproba na tempo y ta cla unda e
fondonan ta wordo inverti.

E Minister ta desea mas colaboracion tambe y pa institui un "operational audit" cada cinco aña. E "audit"
ta un analisis di e organisacion pa determina si ta maneh’e sano y si e placa pa operacion ta suficiente y si
e fondonan ta wordo uza na un manera adecua. Minister Schwengle a expresa cu e ta hopi contento cu
Canadian Bank Note ta hopi habri pa renegociacion di e contract.

CBN a laga sa di ta interesa tambe den aporta na otro bon causanan relaciona na deporte na Aruba. Entre
otro Gobierno a expresa e intencion di yega na un "beach stadium" y un "Olympic Swimming Stadium",
cual ta e encera e expansion di e pool Olimpico na Savaneta, segun Minister Schwengle a splica.

Miembro di directiva y alabes vocero di Fundacion Lotto pa Deporte, mr. Benvinda de Sousa a splica cu e
partnership entre FLPD y CBN a crece na 2011 cu e contract nobo y cu e renegociacion ta bay delinea
aspectonan di e "management agreement" miho, pa purba yega na un miho participacion y miho