Page 69 - MIN VOS

hopi largo, pasobra ta hopi aña pasa. E motibo principal ta cu e hotel a wordo traha door

di EEG y e no tabata tin nada di prevencion di candela of manera pa combati candela. Si

el a cende na candela, e hotel lo a kima full. Pa e motibo ey Brandweer a keur af e hotel y

e ora e seguro tambe a bisa cu si no haci nada, nan lo retira y e hotel mester cera pasobra

nan no tin seguro. E fundacion a bay cerca Gobierno pidiendo ayudo pa esey. E tempo ey

Gobierno a manda e fundacion banco y nan a fia placa na banco pa instala e

sprinkelsystem y demas articulonan pa combati candela y tambe cubri parti di e
operacion di e tempo ey cu mester a wordo para pa e trabaonan tuma luga.

Despues di esey e meta tabata pa bend’e. A busca tur manera y a separa e scol for di e

hotel. E tempo ey cu minister di Enseñansa, Eddy Croes, a hink’e bao di EPI, loke ta

awo. A salba e scol. Te dia awe e ta existi. E hotel a pone pa bende. A haya diferente

candidato e tempo ey y un di esunnan di mas serio tabata sr. Alfredo Lowenstein, actual

doño di Holiday Inn. Alfredo tabata dispuesto pa paga 13 miyon florin p’e, cual e tempo

ey e Gobierno di MEP, caminda cu Edison Briesen, den un reunion hunto cu Lowenstein,

a bin discusion y entre Nel Oduber y Alfredo, caminda cu e ta bisa cu riba su curpa e lo

bende Alfredo e hotel y por mira esey awe.

Despues di e tempo ey e hotel a keda para caba den un ruina, mientras cu tabata tin un

bon cumprado.
E hotel aki a costa pueblo hopi placa. E Gobierno di MEP no a paga e debe di banco, cual

a crece riba 20 miyon, cual debe nan a paga ora cu a bende Plant NV. Eynan caba el a

costa 20 miyon. Mester a fia 6 miyon for di Gobierno pa paga tur e cesantia y tur e

beneficionan di e trahadonan cu a perde trabao. E hotel aki a costa pueblo 26 miyon para

manera cu e ta.