Page 74 - MIN VOS
P. 74
algun di nan a atende clinica di landamento combina cu competencia durante di
e vacacion escolar.
Durante di e campeonato mundial na Indianapolis, e tres atletanan lo landa den
diferente disciplina. E atleta Patrick Groters lo landa den e cinco disciplina cual
ta e 50/100/200 meter lomba y e 200/400 meter IM. Pa loke ta e landadonan
femenino, e atleta Keeley Maduro lo landa tres disciplina cual ta e 50/100 meter
mariposa y e 400m free mientras e atleta Flory Kock tambe lo landa tres
disciplina cual ta e 200/400/800 meter freestyle. Pa e tres atletanan di
landamento esaki lo bira un experiencia super grandi mirando cu nan lo topa e
miho top atletanan junior di mundo den e deporte acuatico. No obstante di e
nivel di competencia e tres atletanan aki sigur lo duna un bon bataya ya cu nan
logronan pa Aruba ta grandi den exterior. Numeroso medaya a wordo gana den
e diferente competencianan renombra den nos region y continente, mientras e
atleta Groters ta haci un bon papel hunto cu su scol na Merca.
Un danki sigur na Lotto, e Loteria di Aruba pa medio di Comision di Subsidio cu
a subsidia e biahe di e Keeley Maduro y Flory Kock pa e campeonato mundial di
landamento na Indianapolis, Merca.
Cumprando weganan di Lotto, e Loteria di Aruba bo ta contribui na deporte riba
nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di
donacionnan na e Comision di Subsidio.
