Page 58 - KPA

Tambe tabatin 1 klas cu a caba ful e fase di MBO y esaki ta haci cu nan no lo
mester bay scol bek pero traha riba caya. Loke cu tabata nobo y importante

durante e ceremonia ta cu tabatin 2 klas di MKO, cual ta Midden Kader
Opleiding.

E estudio di MKO ta sigui despues di MBO. Esaki ta cu ora nan traha tanto aña

den practica, nan mag di sigui den MKO y asina nan por siña tur tool cu nan
mester di dje p’asina bira un “leiding gever”. Despues cu e diploma den man,
nan por solicita pa un funcion di “hoofd agent” cu ta guia Polisnan riba caya.

Mas di 100 ta esunnan cu a ricibi nan diploma of huramenta.

Academia Policial di Aruba ta contento cu nan a logra nan diploma, cu nan a
logra nan metanan di cual nan a studia duro p’e. No solamente e studiantenan,

pasobra lo mira nan bek den futuro, pero tambe e famia na cas. Pasobra ora cu
cuminsa cu un estudio na academia di Polis no ta uno facil, Jeannette

Richardson-Baars a duna di conoce.

“E ta tuma tempo, e ta tuma bo energia. Tin biaha bo mester prepara pa

examen, e ora no tin tempo pa bay vakantie cu famia. E familiarnan tambe
merece un pabien”, el a indica. No por lubida rib’e staf docente, hendenan cu ta

traha den administratie di Academia Policial, pasobra nan ta esunnan cu tin
energia pa 100 y nan ta keda bay y sin nan Jeannette Richardson-Baars ta kere
cu e resultadonan no por t’asina manera e ta awe.