Page 7 - ATA

Djabièrnè 22 Desèmber 2017 25
MUNDU DEPORTIVO

Lesadónan di Extra Slowpitch, bon dia i felis wikènt.
Awe ta djabièrnè i normalmente mester ta dia di Skedjel
Extra Slowpitch. Nos ta drenta wikènt di Bispu di Pasku
pa kulminá ku Pasku djaluna. Djamars ta Dos di Dia di
Pasku i naturalmente no tin Extra Slowpitch i korant. E
dianan aki ta resúmen nos tin, pero naturalmente si tin
notisia kayente, e resúmen tin ku wanta un ratu pa noti-
sia kayente bai promé.
* * * * *
Ayera nos a pone algun ekipo ku a konfirmá nan par-
tisipashon den e torneo Suvivors. Extra Slowpitch a sinta
falta di ekipo Ban Serio, ekipo super eksitoso den 2017.
Ban Serio a partisipá na 4 torneo den 2017 i gana tur. Nos
ta bai chèk ku e ekipo di 50+ a gana tur torneo ku nan a
partisipá aden den un aña. Nos ta referí aki na 4 torneo òf
mas. Un tempu Jaws tabata gana tur torneo i kampionato
di 50+, pero 4 torneo i gana tur por ta un rèkòrt den 50+.

* * * * *
Notisianan di Beisbòl Veterano ta dal duru e dianan
aki. Nos a papia ku Sor Moesquit ku a konfirmá ku taba-
tin kombersashon pa sinta na mesa. Extra Slowpitch a
puntra Sor e detayenan ei na komienso di siman. Nos no
a haña espasio pa kombersá ku Spin Lourens ku tambe
ta den tapara. Ta dos hungadó ku den tempu bon di The
Bears tabata klave komo shortstop estelar i picher estelar
respektivamente.
* * * * *
E hungadónan menshoná tin dos aña den Bulldogs
despues di kasi 8 pa 9 aña ku The Bears. Nan lo laga bur-
akunan atras den Bulldogs, pero ekipo dirigí pa Denley
Marten (Bulldgos), tin material pa remplasá e dos grandi-
nan aki. Bulldogs ku yegada di Papito Stewartt por laga
Spin Lourens bai. Aunke Spin a proba kaba ken e ta den
Beisbòl veterano, i ta awor Papito Stewart (50+) ta bai
start den Beisbòl Veterano.
* * * * *
Papito Stewart tirando pa Ulanda na Aruba den ko-
mienso di novèmber den e Weganan di Reino di Beisbòl
Veterano tabata tremendo riba montíkulo. El a picha un
wega kontra Jandoret Raiders pa e ekipo Curaçao Legends
(Ulanda) i laga e wega ganá 3-2 te den último inning. Jan-
doret Raiders a logra gana e wega i Elton Koeiman tabata
e picher ganadó. Ku otro palabra, Papito a demostrá ku e
tin aden i tin durabilidat, ke mèn tira temporada kompletu
lo bai konta awor.
* * * * *
Pa loke ta trata e puesto di shortstop, Bulldogs tin Wil-
ly Reinita ku por defendé den short i naturalmente Hens-
ley Josephina i tambe Djuric Pietersz. Bulldogs despues
ku nan no a logra kai den e 4-nan den Beisbòl Veterano na
2016, a logra den 2017 i den un lucha tenás ku Jandoret
Raiders den play-off semi-final despues di 3 wega kandela
kandela.
* * * * *
Beisbòl Veterano interesantísimo atrobe den 2018, ku
ekipo Mi Kos ku un otro kara. Ke mèn, ta solamente un
ekipo mas o ménos tin den e liga, ku ta Otrabanda. 12 eki-
po bon balansá pa kompetí, liber pa liber e kompetensia
mas pèrtá den deporte na Kòrsou. By the way, ekiponan
komersial/soshal ya a anunsiá training pa 2018, debí ku
ta trabou i kompetensia fuerte tin.
* * * * *
Liga 40, Baranka, Swift, Happy Stars i Cray Tigers lo
ta fuerte atrobe. Gamers lo tin vários hungadó nobo pa
buska klasifikashon despues ku nan a kai afó te den úl-
timo wega di temporada pa ekipo Happy Stars drenta. Tin
rumor ku Myron Wijman lo pasa di Baranka pa Gamers.
No ta konosí ku ekipo Dream 40’s lo ta bèk den e kampio- aviso@extra.cw
nato di 2018 di Liga 40. Extra Slowpitch tur dia. Nos ta
keda te aki pa awe. Te mañan ku Poder di Dios.