Page 54 - ARUBA BANK

40 Djaweps 5 Yüli 2018
Kontinuashon di pagina 8
Banko Sentral a trata
Tromp pa Banko Sentral.
E abogadonan a sigui bisa
ku despues di e retiro a
keda den korespondensia
na vários okashon ku
e representantenan di
Tromp, di kual dia 5 di
febrüari último tabatin un
kombersashon ku e eks
presidente. E abogadonan
a bisa ku e tempu ei e
representante di Tromp
ku ta sr. Bloem, a duna
di konosé durante e
kòmbersashon, ku Tromp
ta dokumentá su mes
masha bon i ku e tin
dokumentonan kla.
Mirando esaki e
abogadonan a bisa di a
keda hopi babuká ku awor
Tromp ta bisa ku e no ta
disponé di dokumentonan
i p’esei no por papia
riba e ponensia nan ei.
Tromp a bisa di ke papia
den presensia di hunta
di komisarionan, di kual
Banko Sentral a traha
un sita kuné pa dia 9 di
febrüari i di kual algun
miembronan di hunta di
komisario lo ta presente.
Tambe el a pidi pa e
representantenan di otro
islanan ku tin derechi riba
kapitalnan ta presente .
Na momento ku Banko
Sentral a duna di konos’é
na Tromp ku e mes ta
esun ku tin ku regla e
parti ei, e no a sigui ku e
kòmbersashonnan.
Pues e abogadonan ta
di opinion ku si no tabatin
mas kòmbersashonnan
ku Tromp, esaki ta pa su
mes aktitut. E defensa a
duna di konos’é ku tabatin
gratifikashon di kasi
mitar mion florin pa aña,
kostonan di malesa pa
bida largu, kuentanan di
Aqualectra di mas ku 600
mil florin ku tabata wòrdu
paga i tambe gastunan
privá.