Page 18 - MIN VOS OCT 9, 2015

26 AWEMainta Diabierna, 09 October 2015

Dr. Horacio E. Oduber Hospital
ta celebra momento historico

Inauguracion
di Policlinica
Ginecologia &
Verloskunde

PA hopi aña tabatin e deseo na Dr. Horacio E.

Oduber Hospital pa realisa e institucion medico
su mesun policlinica p’e specialisacion di gineco-
logia. Esaki a wordo realisa dia 1 di september
2015 cu e “soft opening” di e policlinica.
E policlinica a habri cu un total di 4 specialista pa
atende e demanda grandi cu tin den comunidad
pa dokternan cu ta specialisa den trato di hende
muher.

Diarazon dia 30 di september, cu agendanan di e
Ginecologonan ya super yen, a celebra apertura
oficial di Policlinica Ginecologia & Verloskunde.
A conta cu presencia di specialista, dokternan di
cas, partera, miembro di personal di Hospital,
tambe staf medico y stakeholders, kendenan a
felicita e personal di e policlinica y alabes Hunta
Directiva di Hospital cu e gran logro aki.

N’e apertura a hiba palabra sr. Ezzard Cilié, Di-
rector di Cuido di Hospital, dr. Wouter Huisman,
Ginecologo Consulent, dr. Wicha Ponson-Wever,
Pediatra y Presidente di e staf medico y tambe dr.
Louise Rafael-Croes, kende tambe ta un Pediatra.
Sr. Cilié a splica cu despues di traha hopi aña cu
e clinica di dr. F. Ho-Kang-You na Punta Brabo,
e realisacion di e Policlinica di Ginecologia &
Verloskunde berdad ta un momento historico
pa Hospital.

E agenda ta yenando hopi liher caba, indicando
cu sigur tabatin un necesidad grandi na Aruba
pa un un Policlinica di Ginecologia.
Hospital, cu tin semper e pashent, su interesnan y
bienestar general na prome lugar, ta enfoca riba
brinda e pashent un mihor servicio y un mihor
experiencia di cuido pa medio di e Policlinica aki,
Ezzard Cilié a expresa.
Un danki na un y tur cu di un of otro manera a
aporta n’e realisacion di Policlinica Ginecologia
& Verloskunde.
Pa mas informacion por acudi n’e Policlinica situa
na Caya J.E.M Arends #40 dilanti oficina di dr.
de Cuba of por yama na 527-4130.