Page 42 - ARUBA BANK

Djaluna 16 Yüli 2018 3
VBC kontentu
ku e plan di
transformashon
di Banko Sentral

WILLEMSTAD.- VBC ta
masha positivo di tuma
nota di e Plan stratégiko
2018-2020 di Banko Sentral
di Kòrsou i St. Maarten, ku
tin komo meta prinsipal di
hasi di banko un “state of
the art”.
Segun VBC, e plan aki ta
ofresé en bèrdat e posibilidat
ku e tres áreanan ku lo ta di
focus riba dje, pa e periodo
menshoná por keda realisá
kual ta: stabilidat monetario
di Kòrsou i St. Maarten, un
sektor finansiero stabil i
kompetitivo i finalmente
un Banko Sentral ku ta
mas servisial pa kliente i
ta mustra un inovashon i
organisashon.
E lucha pa transformá e
Banko Sentral tradishonal
ku tin aktualmente na un
Banko Sentral mas moderno,
fleksibel, efisiente, efektivo,
en korto un organisashon
ku ta distinguí su mes di
oro Bankonan Sentral,
usa teknologianan
avansá, trahadónan ku
ta traha pa bai dilanti i e
liderazgo, ta keda sostené
kompletamente pa VBC.
VBC ta di opinion ku e
vishon nobo ku e presidente
athunto di Banko Sentral
a menshoná i atendé ku e
kultura den e banko, sigur
lo kontribuí na trankilidat
i rekuperashon dje imágen
di e periodo turbulento ku
banko a keda konfrontá
kuné último periodo.
VBC ta ansioso pa mira
ehekushon di e strategia na
Banko Sentral.