Page 17 - TTC_Neat

AWEMainta Dialuna, 16 Maart 2015 9

Gobierno cu solucion pa edificionan decai

Ta kita aspectonan negativo den
Pastoor Hendrikstraat

pa dune un imagen positivo

GABINETE Mike Eman I y II a ehecuta y ta ehecutando diferente

proyecto cu ta cumpli cu e vision pa logra un Aruba bunita, hibando
e embeyecemento den tur skina di e pais.
Den cuadro di esaki p.e. a drecha e caminda di Pastoor Hendrik-
straat y a pone klinkers, dunando henter e caya aki un cara comple-
tamente diferente. Na mesun momento a bin ta trahando den un
comision con pa atende cu cas y edificionan bandona cu ta forma
un mahos bista, no solamente na San Nicolas, pero rond Aruba.
Den cuadro di e maneho aki, siman pasa Prome Minister Mike
Eman y su colega di Asunto Economico Mike de Meza tabata den
Pastoor Hendrikstraat unda a deshaci di un edificio decai cu antes
tabata un Lodge. E grupo di trabou “ontsierende gebouwen” a
wordo instala na final di aña pasa y ta reuni cada dos siman.
Esaki ta un cooperacion entre departamento di diferente Minis-
terio, manera City Inspector, DOW, DIP, Kadaster, y trahadornan
directo di e Ministernan envolvi den desaroyo di proyectonan pa
mehora producto di barionan.
Rubin Ponson, di DOW, t’e persona cu ta coordina e trabou entre
e Ministerionan. E comision pues ta percura pa kita edificionan
cu ta stroba e desaroyo di un bario.
Prome Minister Eman, kende tabata presente na momento cu
tabata haciendo e area limpi, a splica cu Pastoor Hendrikstraat
ta un area cu Gobierno a inverti hopi pa mehora calidad di bida,
pero tin edificionan hopi bieu di club of organisacionnan cu no
ta activo pa hopi aña, cu a causa cu e structura a sigui deteriora.
E edificionan bieu aki ta pone un mal imagen riba un bario bunita
“ y nos kier keda contribui cu nan dor di kita e imagennan cu ta
negativo”. E hecho cu a logra na basha e edificio bieu di Lodge
abou, ta un resultado positivo di e trabou cu e comision a bin ta
haciendo. Prome cu yega na e parti di basha un edificio bieu, ta
aserca e doño cu e peticion pa haci algo cu esaki, pero tin caso cu
e structura t’asina decai cu no por haci nada otro cu bash’e abou.
Tin caso cu ta mas complica y ta trece cune un proceso mas largo
pa averigua kendenan ta e herederonan oficial.
“Cu nos a logra haci e area aki limpi ta hopi importante pa e habi-
tantenan di Pastoor Hendrikstraat. Awor tin un area cu a bira liber,
cu por contribui den e plannan di Minister de Meza pa reactiva
San Nicolas. Cada aspecto cu haya un contribucion positivo asina,
ta yuda tambe na atrae mas inversion pa San Nicolas y mehora e
calidad di bida di nos ciudadanonan.”