Page 55 - TTC_Neat

Joel Bunde y Richard Roy bek na Aruba pa dirigi Hyatt
Regency y Tropicana Resort respectivamente

Publication: Monday, 16 March 2015. Categoria: General

Minister Otmar Oduber

ORANJESTAD (AAN): Minister Otmar Oduber tabatin dos encuentro siman pasa cu
Gerentenan General nobo di dos resort na nos isla.

Primeramente el a reuni cu Joel Bunde cu a bin nos isla pa dirigi Hyatt Regency y Richard Roy
cu a regresa Aruba e biaha akin a cabez di Tropicana Resort.

E reunion di Minister Oduber cu Joel Bunde a bay den un hopi bon ambiente unda a papia riba e
situacion actual di nos turismo, cu den ultimo añanan a bin ta mustrando desaroyonan
sumamente positivo y naturalmente tambe riba Hyatt Regency na Aruba.

Igualmente a papia riba e plannan, proyectonan pa futuro, como tambe e retonan existente pa por
mantene nos isla dos stap dilanti di nos competidornan.

Sr. Bunde a mustra cu e ta cla pa sigui dirigi Hyatt y mantene na e nivelnan halto cu e resort aki
ta conoci pe y hasta mehore mas ainda y a mustra cu e tambe ta uni su mes na e team di nos isla
pa sigui engrandece nos turismo.

E reunion cu Richard Roy tambe a bay den hopi bon ambiente unda a concentra riba e plannan
cu tin pa e resort. Richard Roy no ta desconoci den mundo di turismo na Aruba, e tabata Gerente
General di Westin algun tempo atras y awor el a haya e oportunidad pa regresa nos isla na cabez
di Tropicana Resort.

E resort aki tin un significacion special pa Minister Otmar Oduber mirando cu asina el a asumi e
posicion di Minister di Turismo na 2009, el a haya su mes confronta cu un hotel den bancarota,
cu trahadornan cu no tabata cobra nan salario y a pesar du esaki tabata duna tur di nan banda pa
mantene e huespednan content.

E mandatario a haci su maximo esfuerzo, a bay Parlamento pa logra yega na un solucion y awe
por mira e frutonan di e esfuerzonan aki. Richard Roy a indica cu nan ta bay cuminsa cu e