Page 57 - TTC_Neat

Februari a conoce un crecemento di 13.9% den cantidad di
turista stayover

 Mar 16th, 2015
 Local

Resultadonan di turismo stay over pa loke ta luna di februari 2015 y un biaha mas por mira un
crecemento di cifranan dobel, yegando na un total di 13.9% compara cu e mesun luna aña pasa.
Remarcabel tambe ta cu e mercado principal di nos isla, esta Merca, a conoce un aumento di
bishitante di 5.8%.
Pa loke ta e prome dos lunanan di 2015, tin un crecemento di 17.9% den e cantidad di
bishitantenan cu nos isla a ricibi compara cu januari y februari di 2014. Trafico for di Merca a
aumenta cu 7.8%. E datonan aki di Merca ta mustra un recuperacion significativo di nos mercado
principal.
Por mira tambe cu e bishitantenan for di America Latina a aumenta cu 62.2% y for di Europa a
cay cu 15.3%.
Minister Otmar Oduber a indica cu lo sigui traha pa mantene y mehora ainda mas e cifranan aki,
aunke concentrando mas riba e calidad di e turistanan,siguiendo e maneho estableci, esta di atrae
e turismo afluente.
Durante conferencia di prensa dialuna mainta e mandatario lo bay duna mayor informacion
tocante e ultimo resultadonan conoci pa loke ta nos turismo.
http://masnoticia.com/februari-a-conoce-un-crecemento-di-13-9-den-cantidad-di-turista-stayover/