Page 8 - 29_di_april_di_2022

8| Diabierna, 29 di April 2022

Cuatro detencion na Jan Flemming: Problema lo a start entre e

dos partidonan algun rato prome

Diaranson anochi algo pasa di 8:30 un cantidad di pa-
truya di polis a bay Jan Flemming, unda cu na un cas lo a
presenta 1 of mas persona cu arma di candela. Na prome
instante no tabata tin mucho claridad si lo por tabata trata di
un atraco arma.

Adres menciona
Polisnan a yega cu urgencia na e adres unda cu e incidente a
sosode. Eynan e persona cu lo a hay’e den e problema a spli-
ca polis kiko cu aparentemente a sosode. Segun e homber e
no conoce e personanan debi cu nan tabata tin capuchon y e
scuridad lo a obstaculisa pa e por a mira ken nan ta.
Polis a bay un otro adres despues, cu ta eybanda mes cu ta
un cas conoci pa autoridad. Eynan polisnan a saca afo kiko
a sosode y cu e homber na e otro adres tabata sa bon ken a
bin su cas. Polis na e cas aki a efectua tres detencion, tabata
trata di tres hoben, cu a bisa cu berdad nan lo a bay na e cas.
Despues cu polisnan a hiba e tresnan warda di polis na Ma-
cuarima, polisnan a detene un persona mas. Ta trata di un
homber Venezolano, cu a sali di e mesun adres for di na ban-
da, o sea unda e hobennan a wordo deteni. Den su posesion
a haya klop, cuchiu y tambe bulletproof vest y algun cos mas.

Origen di e problema
A bin resulta unda cu polisnan a bay prome unda cu e hen-
denan lo a yega cu arma ta e persona ey mes a start e pro-
blema un rato prome cu e hobennan. Despues e hobennan
lo tabata kier a regla cuenta cu ne, es decir nan tampoco no
ta “keda cu nan sla”. No tabata tin arma di candela di berdad
den e problema aki y tampoco hende a wordo maltrata. Pero
si por spera mas problema den futuro, debi cu e partidonan
aki no ta biba leu di otro.