Page 13 - PATRICK

Prome Minister Evely-Wever- Croes, durante un rueda di prensa di Gobierno di Aruba, a

elabora riba e criticanan den e ultimo dianan tocante e ekiponan di gobierno cu ta supose

di ta den Bestuurskantoor sinembargo durante e traspaso di gobernacion no a entrega e

ekiponan aki cu ta propiedad di gobierno por lo tanto propiedad di pais Aruba.

Prome Minister ta bisa cu ora nos papia di e tema di ekiponan di gobierno cu a

desaparece for di Bestuurskantoor, nos mester pone emocionnan un banda y wak kico ta

e escencia di e caso

aki. E escencia ta cu gobierno a cumpra e ekiponan aki pa media di gobierno y e berdad

ta cu

e ekiponan aki no tey mas. E mandatario a duna di conoce cu te hasta e miembronan di

prensa cu tin costumber di bin conferencianan di Gobierno, a señala na tanto Gobierno

como den medionan di comunicacion, cu enberdad tabatin ekiponan sofistica durante e

temporada di e gobierno anterior. Pruebanan cu tin ta cu e ekiponan aki a wordo cumpra
cu placa di pueblo y cu e ekiponan aki no tey mas. E problema aki no a cuminsa cu e

persona cu a wordo deteni. Ta for di principio di e gobernacion aki, ekiponan a wordo

busca cerca diferente otro personanan cu a bay cu camaranan y otro ekiponan. Despues

cu a resulta cu ta falta diferente otro ekipo, Gobierno di Aruba a entrega keho. No a

entrega keho contra un persona en particular. Keho a wordo entrega cu ekiponan cu

mester ta den Bestuurskantoor, no tey. Prome Minister a clarifica cu e hecho cu Cuerpo

policial y Ministerio Publico a haci nan

trabou di investiga y detene personanan cu tabata traha di cerca di e gobierno anterior,

esey ta deber y derecho di e profecionalnan di Cuerpo Policial y Ministerio Publico.

E asunto aki no por wordo tuma emocionalmente pero e pueblo completo mester rechasa

e hecho cu aparatonan a desaparece for di Bestuurskantoor y esaki no ta corecto. Si