Page 14 - PATRICK

gobierno a paga pa ekiponan y otro hendenan a bay cu nan, esaki ta fout. Tuma algo cu

no ta pertenece na bo, ta un hecho incorecto. Prome Minister Evelyn Wever-Croes ta

sigura e pueblo aki cu esaki ta un gobierno cu a bisa cu lo bin bek cu ordo y respet. Y si

cualkier ambtenaar a mishi y bay cu cos cu no ta di nan, y a wordo investiga, e mesun

regla aki ta conta pa tur hende y ta pa e motibo aki a entrega keho tambe y a haci

apelacion pa esnan cu por tin ekiponan di gobierno na nan cas, pa nan trece esakinan bek

na unda cu nan ta pertenece. Y despues di e apelacion aki, varios persona a bin y entrega
ekiponan bek. Hasta un ex coordinador di un cierto ex Minister ya a bin tres dia pa

entrega ekiponan. Tambe Prome Minister a ricibi un carta di abogado di un ex Minister

cu direpente a corda cu el a hiba algun ekipo y ta bisa cu e ta dispuesto pa cumpra nan.

Intencion di Prome Minister Evelyn Wever-Croes ta pa señala cu esaki no ta trata di

persecucion politico ni tampoco ta un discucion emocional. Como Prome Minister

responsabel di e gobierno aki, a entrega keho na esnan concerni. Nan tin e deber pa haci

nan trabou awo.

Prome Minister ta bolbe pidi pa laga emocionnan un banda y wak e hechonan. E

ekiponan aki mester bin bek pasobra nan ta pertenece na Gobierno. Un biaha mas Prome

Minister ta haci un apelacion na tur esnan cu a hiba of a wordo pidi pa warda e ekiponan

aki na nan cas, pa tuma contaco cu Ministerio Publico pa asina por wak si ta trata di

ekiponan perdi di Gobierno. Como un gobierno responsabel lo no bay tin miedo di wordo

tilda di haci persecucion politico. E ekiponan aki ta di gobierno y nan mester bin bek pa

gobierno.