Page 50 - MIN JUS_Neat

Placa di pueblo den gobernacion di AVP a
bay pa pueblo y ningun otro caminda

- Advertisement -

Parlamentario Chris Dammers

ORANJESTAD (AAN): For di 2009 te cu awe, Aruba a pasa den un di e desaroyonan mas
impresionante cu e pais a conoce desde introduccion di Status Aparte na 1985, caminda
practicamente den tur bario, por a mira cambionan tumando luga.Un programa di
gobernacion di partido AVP, cu a worde formalisa cu participacion di practicamente tur
grupo den comunidad, a percura pa cambionan grandi, cu den tempo di un di e pio
crisisnan economico mundial, Aruba a logra di mantene cabes riba awa a base di un
vision di partido AVP.Chris Dammers, miembro di fraccion di AVP den Parlamento, ta
mustra cu no solamente a y ta ehecutando un vision caminda tur grupo den comunidad
ta forma parti di dje, pero na mes momento e seriedad pa drecha e situacion delicado
cu gobierno di MEP a laga e pais aki aden, a percura pa e progreso cu tur hende por
mira tur rond di Aruba.“Nos pueblo ta mira e cambionan aki, nos hendenan ta mira e
desaroyonan aki, cu pa ocho aña ta den ehecucion, pa hisa e calidad di bida den tur
bario, pa nos hendenan sinti cu nan ta parti di e desaroyo aki, na luga di ta parti di un
grupo grandi cu a mira solamente un grupo di famia y amigonan di gobierno di MEP
probecha.

Proyectonan grandi a worde ehecuta y ta den ehecucion, entre otro e waf di carga cu a
move pa Barcadera y habri caminda pa waf di Oranjestad ser transforma den un centro
di turismo crucero cu nunca antes nos a conoce.