Page 31 - MIN VOS_Neat

alarmante asina, cu tambe ta conta pa bestianan di cria manera porco, cabay,
carne, cabrito etc.

Aki tin algun tips di con pa prepara bo animal nan pa e temporada di horcan:
1. Percura pa bo animalnan ta micro chipped. Den situacion di un tormenta of
horcan cu por causa cu casnan ta yena cu awa, strena cu lamper por pone cu e
animal ta drenta den panico y core bay for di cas. Mayoria mascota ta wordo
perdi durante temporada di horcan como cu nan ta spanta, bira desorienta y
core bay for di cas. P’esey ta importante pa haci un cita cu bo veterinario mas
pronto cu ta posibel y pone un micro chip pa asina por identifica e animal.

2. Percura pa bo mascotanan tin tur nan vacuna na ordo.

3. Percura pa bo tin un ‘emergency kit’ pa por asisti bo animal en caso cu algo
pasa entre otro verband, catuna, pleister etc.

4. Percura pa bo tin suficiente cuminda pa bo mascota nan encaso cu coriente
bay of e situacion bira mas alarmante specialmente ora awa cuminsa yena rond
di cas despues di un tormenta.

5. Percura pa bo animal tin un cas adecua cu por fungi como un shelter caminda
e no ta muha of ta na peliger.

6. Si ta posibel, laga bo animal of mascota drumi paden pa evita cu e ta spanta,
bira desorienta, muha of ta keda pafo.

7. Percura pa bo animal of mascota tin un dak of un cas caminda e no ta muha.
Evita di laga animalnan mara na palo di mata. E ta importante pa nota cu
durante periodo di horcan of tormenta esaki nan por cay riba e animal.

8. No laga material rond di cas cu por bira un peliger pa bo cas, famia of e
animal.