Page 34 - MIN VOS_Neat

Con pa Prepara bo Mascota Nan pa Temporada di Horcan y
Tempo Malo

Tuesday, 20 June 2017 07:33
Comparti

Ora ta trata di tempo malo, especialmente durante temporada di horcan cu ta core di luna di juni pa
november, e ta sumamente importante pa prepara no solamente un plan di emergencia pa famia pero
tambe pa e mascota nan di cas. Animal nan tin un instincto hopi fuerte y sa ora tempo malo ta asercando.
Sinembargo, animal nan domestico manera pushi, cacho, coneu etc. por a perde poco di nan instincto pa
‘prepara pa mal tempo’ como cu nan a wordo domestica. P’esey e ta rekeri cu nos ta proteha nan durante
situation nan calamante asina, cu tambe ta conta pa bestia nan di cria manera porco, cabay, carne,
cabrito etc. Aki tin algun tips di con pa prepara bo animal nan pa e temporada di horcan: 1. Percura pa bo
animal nan ta micro chipped. Den situation nan di un storm, horcan of tormenta cu por causa cu cas nan
ta yena cu awa, strena cu lamper por pone cu e animal ta drenta den panico y core bai for di cas. Mayoria
mascota ta wordo perdi durante temporada di horcan como cu nan ta spanta, bira desorienta y core bai
for di cas. P’esey e ta importante pa haci un cita cu bo veterinario mas pronto cu ta posibel y pone un
micro chip pa asina por identifica e animal. 2. Percura pa bo mascota nan tin tur nan vacuna na ordo. 3.
Percura pa bo tin un ‘emergency kit’ pa por asisti bo animal en caso cu algo pasa entre otro verband,
catuna, pleister etc.
4. Percura pa bo tin suficiente cuminda pa bo mascota nan encaso cu coriente bai of e situation bira mas
alarmante especialmente ora awa cuminsa yena rond di cas despues di un tormenta. 5. Percura pa bo
animal tin un cas adecua cu por fungi como un shelter caminda e no ta muha of ta na peliger. 6. Si ta
posibel, laga bo animal of mascota drumi paden pa evita cu e ta spanta, bira desorienta, muha of ta keda
pafo. 7. Percura pa bo animal of mascota tin un dak of un cas caminda e no ta muha. Evita di laga animal
nan mara na palo nan di mata. E ta importante pa nota cu durante periodo nan di horcan of tormenta
esaki nan por cai ariba e animal. 8. No laga material rond di cas cu por bira un peliger pa bo cas, famia of
e animal. 9. En caso cu bo ta biba den un vecindario cu ta conoci pa yena cu awa durante tormenta nan,
percura pa tin un kendel of pet carrier en caso cu mester evacua for di e cas pa asina hiba e animal aden.

Comentarionan (0)