Page 61 - MIN JUS 23 SEPT 2015

Lo pone fondonan pa recompensa dunadornan di tip

Publication: Wednesday, 23 September 2015. Categoria: General

pa por detene atracadornan!

ORANJESTAD (AAN) — Minister Dowers a
señala den conferencia semanal di prensa di gobierno, cu tin indicacion caba, riba e atracadornan
cu a atraca persona y comercio ultimamente.

No obstante, ta bay tin mester di mas informacion di e comunidad den su totalidad, manera el a
bisa caba den varios ocasion.

Kiermen tur gremio y prensa, pasobra nos tur tin cu duna contribucion pa tin nos pais como un di
esnan di mas sigur den nos region.
“Riesgo cu nos ta core ta bin di pafo di nos frontera, un parti, y nos tin un lucha pisa contra e
gruponan cu ta bin di pafo, pero tambe e problema ta den nos mesun un pais, den e hobennan cu
nos mes ta lanta, of ta keda sin lanta y esey ta un problema grandi pa e sociedad. Den e caso di e
atraco contra señor Gomez, a constata cu tin seis persona deteni na e momentonan aki, hobennan
entre 22 aña di edad, bay abao y tin un di 15, y tin un di siete persona cu ainda mester wordo
deteni. E ta algo sumamente lamentable di mira cu siete hoben di bo pais, na un edad asina hoben
ta ocupa nan mes cu e tipo di atropeyo aki, contra derecho di hende”, mr. Dowers a subraya.

E mandatario a duna di conoce cu, en todo caso, a pone un suma considerable pa e tip cu por
yuda yega na detencion di e persona cu falta, of mas hende cu a of ta drenta cas di hende.

Si tin mas tip, lo pone fondonan pa esakinan tambe, pasobra mester uza tur instrumento cu tin na
disposicion pa por actua na momento cu un persona haci e tipo di actonan aki cu tin influencia
negativo riba e sentido di seguridad di nos pais den su totalidad, pero e ta un asalto directo na nos
economia.
“Nos lo aumenta castigo contra esnan cu ta haci atraco contra turistanan. No contra comercio
pasobra e tempo ey no a determina esaki como casonan mas vulnerable, pero si contra e
turistanan”.

E dignatario a reitera cu lo pone mas fondo tambe na momento cu lo pasa e fondonan contra
criminalidad. Nan tin casi un miyon florin na fondonan cu a saca for di crimen.