Page 63 - MIN JUS 23 SEPT 2015
P. 63
Proyecto di camera di vigilancia ta andando conforme
planificacion cu a tuma lugar
Publication: Wednesday, 23 September 2015. Categoria: General
Minister ta spera prome cu fin di aña nan wordo instala:
ORANJESTAD (AAN) – Dentro di e tema di combatimento di criminalidad, Minister mr. Arthur
Dowers a menciona den conferencia di prensa, cu e proyecto di camera di vigilancia ta andando
conforme e planificacion cu tabata tin, y e ta spera cu pa fin di aña e ta completamente
operacional.
Kiermen, e cameranan lo wordo instala y henter e proceso cu a wordo stipula ta canando, y
aunke tin hende ta bisa cu nada ta tuma lugar, tur e trayecto aki ta tuma su tempo.
E dignatario a referi tambe na e hecho cu tin personanan cu ta sinti cu tin poco polis riba caya. El
a indica cu esaki no ta berdad, cu tin polis den e areanan cu mester di mas vigilancia, y dia cu e
atraco a sosode den area di Paseo Herencia, tabata tin polis suficiente.
No obstante, cu tin polis suficiente no ta nifica cu un atracador no haci su fechoria. Si nan por
drenta y yaga na articulonan relativamente facil, nan ta haci e intento.
El a uza como ehemplo locual a sosode na Sint Maarten, na un caminda cu tabata tin cinco polis
y tres huez di e Corte di Sint Maarten presente, y tog delincuentanan a drenta e lugar haci atraco
y tira un polis mate.
Na Aruba mester combati delincuencia usando tecnologia inteligente y medidanan preventivo pa
evita cu nan yega na e areanan, pero un bez cu nan tey cu intencion di yega na cosnan
facilmente, mester actua cu nan na un manera diferente.
“Manera mi a bisa na mas di un occasion: e hendenan aki no ta bay stop djis pasobra nos ta bisa
cu nos kier pa nan stop. Nan ta bay stop na momento di detene nan y haci pa nan imposible pa
nan actua contra ley, y haci e tipo di cosnan aki y esaki ta rekeri di input di masha hopi hende
den e comunidad, y no solamente di polis”, Minister Arthur Dowers a señala.
http://www.diario.aw/2015/09/proyecto-di-camera-di-vigilancia-ta-andando-conforme-planificacion-
cu-a-tuma-lugar/
