Page 8 - AHATA

10 LOCAL AWEMainta Diaranson, 23 April 2025

The Kids Aren’t Alright

Skirbi pa: Jammita

HA! Aunke e titulo ta na Ingles, esaki ta bay ta un articulo na Papiamento.
A bira ora toch?

E articulo aki no ta directamente relaciona cu e cancion di “The Offsprings”,
pero den bes e cuando mi por referi bek n’e cancion den mi storia. Mi ta bay
enfoca den e articulo aki riba nos presente. Specialmente nos hubentud,
nos comunidad y Cuerpo Policial Aruba.

Kico ta pasando cu nos hubentud?
E ultimo simannan tras di lomba mi, mi ta kere algun di boso tambe, a
tuma nota di un desaroyo un poco preocupante riba nos isla. E cantidad di

hobennan cu no ta regresa cas, di cual nan mayor(nan) of voogd a entrega
un denuncia na Cuerpo Policial Aruba, tabata notabel.
Acaso nos muchanan ta birando mas “malcria”? Ta situacion na cas ta The Aruba runaways
pone nan resorta na alternativanan asina drastico? Of ta trata di un otro Cu hobennan ta bay for di cas pa algun dia

TikTok “challenge”? no ta algo nobo pa Aruba (pero tin ora ta
parce manera nos ta sufri di amnesia y ta
kere cu ta generacion “nobo”, muchanan
jong, t’esunnan cu ta causa problemanan,

pasobra antes no tabata tin ningun “problema
di hubentud”), pero e cantidad di hobennan
y den un tempo asina breve tabata tin nos
comunidad bastante preocupa.

Di otro banda, y personalmente esaki ta
loke ta enfurece mi mas, t’e personanan, cu
semper t’ey pa husga, duna comentarionan

sin base y niun clase di rasonamento logico.
Naturalmente nan tambe a laga sa cu nan ta
presente cu nan comentarionan innecesario.

Victim blaming
E terminologia di “victim blaming” ta birando
mas y mas conoci, pero no lihe suficiente pa
haci nos comunidad consciente c’un simpel

comentario por tin un efecto negativo riba e
percepcion di un comunidad, specialmente
uno cu ta core husga, sin tuma un pauze pa
reflexiona y pensa prome cu actua. “Victim

blaming” literalmente kiermen culpa e victima.

Continuacion na siguiente pagina →