Page 18 - AHATA

14 LOCAL AWEMainta Diamars, 28 Januari 2025

Ombudsman di Aruba a presencia

inauguracion edificio nobo Ombudsman Corsou

RECIENTEMENTE, Ombudsman di Corsou, mr. Keursly Concincion den
presencia di su invitadonan a inaugura e oficina nobo di Ombudsman di
Corsou. Nos Ombudsman di Aruba, sra. Jurima Bryson tambe a presencia
e momento oficial aki.

Durante di e anochi diferente funcionarionan clave tabata presente, entre
otro Presidente di Staten di Corsou, sra. Charetti America-Francisca,
Gobernador di St. Maarten, sr. Ajamu G. Baly, Ombudsman anterior di

Corsou, sra. Alba Martijn y Presidente di Corte di Husticia, sr. Mauritsz de
Kort.

Discurso di sr. Concincion y sra. America-Francisca durante e inaugura-

cion a enfoca riba e rol di un Ombudsman y e trayecto di ultimo añanan di
e Defensor di Pueblo.

Ademas, e Ombudsman di Corsou a elabora riba e echo cu e mudanza

pa un edificio mas grandi y amplio ta beneficia e calidad di servicio di e
Ombudsman, pasobra den e oficina nobo por tuma mas keho y por atende
e publico na un miho manera. E edificio nobo tambe ta mas accesibel,
situa central na Corsou.

Pa nos Ombudsman di Aruba, sra. Jurima Bryson, e tabata un honor di por
tabata entre e invitadonan pa asina por ta parti di loke ta den su opinion
un celebracion di desaroyo positivo pa pueblo di Corsou. Cu e inaugura-

cion di e edificio nobo, mas hende di nos hermana isla Corsou cu tin un
keho tocante gobierno por ricibi ayudo y guia di e Defensor di Pueblo.

Durante e encuentro anual di Ombudsmannen
di Reino cu a tuma lugar na Aruba dia 13, 14 y
15 di januari, sra. Bryson a remarca con impor-
tante ta pa su persona cu e por haya sosten y

apoyo di su coleganan di Corsou, St. Maarten
y Hulanda. Cu apenas tres luna den su rol
nobo di Ombudsman di Aruba y teniendo na
cuenta cu esaki ta prome biaha cu Aruba tin

un Defensor di Pueblo, sra. Bryson ta suma-
mente gradicido di por ricibi guia di su cole-
ganan, entre otro sr. Concincion cu tin un
carera di casi 10 aña como Ombudsman.

Oficina di Ombudsman Aruba kier informa cu
nan lo mantene pueblo na altura di e ultimo
desaroyonan y encuanto e apertura oficial di

oficina.

Pa por keda na altura di e ultimo desaroyonan,
por bishita tambe e paginan di Facebook

‘Ombudsman Aruba’, Instagram ‘ombuds-
manaruba’ y LinkedIn ‘Ombudsman Aruba’.