Page 22 - AHATA

Diamars, 28 Januari 2025 AWEMainta
Accion di limpiesa na Sorobon
organisa p’e rangernan di Stinapa
E rangernan di Stinapa a tene un accion di limpiesa den
e areanan di e barinan di Sorobon siman pasa. Diaranson
ultimo nan a organisa un dia di limpiesa rib’e beach di
Sorobon cu e obhetivo di ofrece e bishitantenan un ambi-
ente limpi y agradabel pa disfruta.
E iniciativa aki ta forma parti di e proyecto Lac Pa Semper,
mediante cual Stinapa a asigna dos ranger di manera
permanente pa traha tur dia na Lac Bay. Danki n’e esfuerso
adicional aki, ta garantisa un miho mantencion y proteccion
di e ecosistema natural importante aki, cu ta clave p’e biodi-
versidad di Boneiro.
Sinembargo, e acumulacion di sushi ta sigui ta un reto den e
zona. E barinan ubica na Sorobon sa bay over, specialmente
durante e finnan di siman ora cu tin un mayor cantidad di
bishitante. Aunke Selibon t’e entidad responsabel di piki e
sushinan den e ara natural, e limitacionnan den e servicio a
genera cu na ocasion e acumulacion di sushi ta un problema
recurente.
BONEIRO 35
For di Stinapa, ta gradici e trabao duro y e dedicacion di
e rangernan, kendenan cu nan labor constante ta yuda
preserva e espacionan natural di e isla. No obstante, e
organisacion ta subraya cu e conservacino di e naturalesa
ta un esfuerso colectivo.
P’esey, ta haci un yamada n’e comunidad y n’e bishitantenan
pa colabora manteniendo e limpiesa: depositando e sushi
den e barinan adecua of bayendo cu e sushi ora cu esakinan
ta yen.
Accion manera esaki no solamente ta busca pa mehora e
experiencia di e bishitantenan, sino tambe ta fomenta un
mayor conscientisacion riba e importancia di preserva
e recursonan natural di Boneiro. E beach di Sorobon y e
vecindario di Lac Bay no solamente ta un atractivo turis-
tico, sino tambe un habitat vital p’e diferente especienan,
cual conservacion ta depende di un esfuerso conhunto entre
autoridad, organisacion y ciudadano.
Fuente: Bonaire.nu