Page 23 - MIN TTC 10 MAART 2016

E busnan nobo di Arubus a resulta di ta hopi positivo

on: March 09, 2016In: LocalNo Comments
Print Email

Den un siman di tempo cu e busnan Volvo di Arubus a sali. Awe por bisa cu e nivel di servicio di Aruba ta
hopi positivo si mira kico tur e bus por haci y cumpli cun’e pa e servicio segun Teo Croes, director di
Arubus ta splica.
E prome lunanan ta bayendo normal. E busnan nobo ta tremendo. Por mira cu e usuarionan ta hopi
contento cu nan. Nan ta dunando bon resultado te awo y nan ta echt mas passangerfriendly, den e
sentido cu e bus, si en caso cu ta hende grandi, e bus por bay te na vloer, cu e persona por subi. E airco
tin manera un aircurtain, manera cu e porta habri e friu no ta sali, etc. E sientanan tambe ta mas suave.
E busnan aki ta loke cu Arubus kier traha cune. Idea ta pa bin cu mas di e busnan aki.
Tur bus cu a yega nobo, ta riba caya caba, Croes ta splica.
Pa loke ta e empleadonan, e feedback cu Arubus ta haya, ta cu nan tur ta happy cun’e. E ta un joya di
bus. Awor aki Arubus ta riba un bon caminda. Tin aña tras di aña Arubus ta lucha pa mehora. No tabata
facil, Croes a splica. Pero poco poco nan ta bay ta mehorando.
Taxistanan pirata
E ruta di Misa di Noord pa misa di Playa, caminda cu tin taxi pirata, segun Croes, ta bezig ta evaluando
esaki. Pa cierto orarionan kier aumenta cu bus grandi, den e proceso ey. E busnan blauw chikito ta
coriendo ainda, pero cierto orarionan ta bezig ta evalua pa motibo cu kier mira ki ora ta bay pone core.
Si pone un bus grandi core pa shete of cinco hende, no ta make sense. Ta bay ta perdiendo placa.
Por mira mas cu 12 pa 15 taxi pirata ta sali carga di hende for di parkinglot di postkantoor. E ruta di
Playa pa Noord y vice vers, ta demanda, pero no tin un aglomeracion di hende. E piekhournan, esey ta
loke ta bay focus riba dje, pa por tuma over e servicio ey y laga e busnan chikito core in between como
tambe e piekhoursnan. E taxinan pirata ta haci hopi daño. No solamente riba e ruta di Noord, pero tu
caminda nan ta core y Arubus mes tin como 36 number cu a saca potret di nan.
Sinembargo e ta moeilijk pa atende.
Tin varios riba ruta di hotel segun Croes. Tin potret di un trahado di hotel, cu ta waiter y ta coy hende na
caminda bay cun’e. Esey ta un problema serio pa Arubus, como transporte publico. Tin hopi cos cu ta
pasando riba e demas rutanan. E ta basta dificil, Croes a finalisa.
http://masnoticia.com/e-busnan-nobo-di-arubus-resulta-di-ta-hopi-positivo/