Page 25 - MIN TTC 10 MAART 2016

Mario Arends di Aruba Cruise Authority Aruba ta haya hopi
review di parti di e turistanan crucero

Wednesday, 09 March 2016 20:57
Comparti

Tanto puerto como Aruba como destino, cada crucero ta haci nan encuesta y nan sa precies con e
experiencia di e turista ta y ta haya tende via nan y mester bisa cu por ta orguyoso cu tanto e puerto, pero
tambe como Aruba como destino ta haya reviewnan hopi bon.

Esaki ta algo cu ATA ta monitor hopi di cerca pasobra ta un parti importante ora cu kier convence un liña
di crucero pa mantene Aruba den itinerario of pa subi e cantidad di yamada pa Aruba. Of pa atrae un liña
di crucero nobo. ATA ta monitor esaki hopi di cerca y hopi biaha ta troubleshoot cualkier situacion cu por
purba mehora y sigur esey ta un di e topiconan cu frecuentemente ta papia di dje. Y door cu Aruba tin
cierto reputacion, cual ta hopi positivo. Tin cu percura pa mantene esaki y esey ta bay den man den man
cu e partnernan riba e isla. Esey ta importante pa tin un comunicacion estrecho cu e partnernan den e
industria di crucero. ATA ta hopi activo den parti di circuito di loke ta industria di crucero mes. Ta relay
hopi riba promocionnan cu Aruba, cu oficina di turismo y partnernan ta haci pa Aruba como un destino
di stayover, pero e ta yuda tambe e promocion di Aruba como destino di crucero. Aki ta relay hopi riba e
parti aki, pero como e parti di e Departamento di Cruise na ATA tin contacto hopi estrecho, cu e liñanan
di crucero. Topa cu nan frecuentemente, papia over di oportunidadnan of papia di cualkier situacion cu
mester atende y asina cu tin un bon contacto, zo y zo ta yuda di atrae y mantene cierto cantidad di
crucero y purbando di sigui crece lo mas miho posibel den forma gradual, segun capacidadnan por
want’e. E oportunidad di mas grandi pa Aruba crece no ta tanto den high season. E high season ya t hopi
riba capacidad. Diaranzon por a ripara cu e capacidad ta eynan. E oportunidad mas grandi ta pa atrae e
barconan mas grandi durante low season. Esey ta e reto mas grandi pasobra e ora por competi contra
otro regionnan rond mundo cu tambe tin un bon tempo, pasobra high season, loke ta yuda nos ta cu otro
partinan di mundo tin winter y Aruba no tin y esey ta haci cu high season tin un tendencia pa biaha den
Caribe. Pero den zomer, e mesun zomer tin’e na Europa y Merca. Ta competi cu hopi otro region pa loke
ta e barconan den e temporada ey. Asina mes a logra exitonan hopi importante, desde 2012, unda cu
gran parti di e crecemento cu por a wak den e ultimo añanan aki ta debi na e hecho cu por a atrae e
liñanan di crucero y cierto callsnan durante low season. Por a wak tambe cu liñanan di crucero manera
Royal Caribbean, Carnival, haci un diferencia grandi cu presencia durante di e lunanan di zomer y e
temporada di low season. Mester bay traha hopi di cerca y mustra e liñanan e producto Aruba cu ta un
calidad halto y zo y zo ta un balor agrega pa nan. Si nan tin un itinerario fuerte y destinonan manera
Aruba, ta bay haci un oportunidad grandi cu nan clientenan ta keda contento, ta keda satisfecho y esey
riba su mes ta bon pa nan, pasobra nan por sigui bende mas crucero y cu Aruba por ta ta parti di un
itinerario cu por yuda haci esey. Cu nan ta fortifica nan mesun imagen, atrabes di experiencianan cu nan
tin akinan. Esey eigenlijk ta e combersacion cu con por traha di un banda pa nan por haci mas entrada y
di otro banda ki beneficio nan tin pa inclui Aruba den nan itinerario. Esey ta tipo di combersacionnan cu
tin y cu otro mecanismonan manera incentivonan of descuentonan cu puerto ta duna y cu tin disponibel,
ta yega na un formula unda cu e ta un win win situation, tanto na Aruba como isla, pero pa nan tambe
como un liña di crucero.