Page 21 - FLIP VOS
P. 21
28 AWEMainta Dialuna, 10 Augustus 2015
AAB (Arubaanse Atletiek Bond), despues di varios aña ta
Presente n’e NACAC
Senior Championships
na San Jose, Costa Rica
DIAMARS 4 y diarazon 5 di juli ultimo un delegacion
di atleta a sali for di Hulanda y Aruba, pa Costa Rica, pa
representa nos pais den e ramo di atletismo, n’e NACAC
2015 Senior Champieonships, cu ta keda celebra na San
Jose, Costa Rica, for di 7 pa 9 di augustes 2015.
Aruba a wordo representa p’e siguiente atletanan, for
di Aruba y bibando na Aruba:
Reginald Koc den 100 y 200 meter sprint, Shane Nedd
den shot put (Tiramento di bala), Justice Dreischor den
800 y 1500 meter Run, Ronald Starring den 5000 me-
ter run y Quincy Breell den long jump. For di Hulanda,
Anthony Rasmijn den 200 y 400 meter sprint.
Despues di hopi aña Aruba ta bolbe hiba un seleccion
basta grandi di atleta pa participa n’e Campeonato di
NACAC 2015, cu ta Nort America, Central America, and
Caribbean Senior Championships.
Algun resultado cu ta den caba ta laga sa, cu Anthony
Rasmijn a core un personal best di 48.53 seconde riba
400 meter cu asina ta serca di e record nacional di 48.32.
Riba 200 meter Anthony Rasmijn a marca un tempo di
22:54 seconde cu tambe ta un personal best p’e atleta.
Reginal Kock a marca un tempo di 11.12 seconde riba
100 cu tambe ta un personal best p’e atleta. Riba 200
meter el a marca 23.05 seconde.
Justice Drijschor a core e prome 800 meter di su bida
den 2.01.63. 2 Minuut 01.63 seconde, cu ta un tempo
hopi inpresionante p’e hoben di 17 aña, mirando cu e
record nacional ta 1.59.01 1 minuut, 59.01 seconde, na
nomber di Anthony Rasmijn.
Directiva di AAB kier di e forma aki desea tur clase di
exito na nos atleta nan na Costa Rica.y pronto nos lo
informa di e resto di e resultado nan di nos otro atleta-
nan, cu a representa nos na Costa Rica.
