Page 17 - AWEMAINTA

AWEMainta Diabierna, 28 Juli 2017 17

Coherencia den maneho y cooperacion entre tur partner COMPARA cu e metemento

diario di antes den e maneho di
A traduci den crecemento positivo Aruba Tourism Authority y awen-

dia cu ta duna e expertonan espacio
y substancial den turismo pa nan traha y tuma nan propio

decisionnan, awor ta nota cu den e
Den prome mitar di aña prome 6 lunanan di aña ta raporta
crecemento den varios area di nos
industria turistico.
“Nos si ta laga nan traha y mi ta
sigur cu esey t’e mihor formula”,
asina Minister ing. Mike de Meza
a duna di conoce despues di e con-
ferencia di prensa recientemente
hunto cu directiva di ATA.

Ey a anuncia cu den e prome mitar
di aña 2017, “Tourism Receipts” a
subi cu 4%, “stay-over visitors” a
subi cu 5.2%, “Cruise passengers”
a subi cu 2.3% y “Revenue per
available room” a subi cu 5.2% si
compara cu e prome 6 lunanan di
aña pasa.

“E resultado por ta mihor ainda, si
exclui Venezuela afo. E ora e canti-
dad di turistanan cu ta keda Aruba
lo a subi cu 7.6%.
E retonan socio-economico na
Venezuela ta conoci y ATA ta aten-
diendo cun’e. Nos tabata sa tambe
cu dado momento e mercado lo no
sigui crece den forma desproporcio-
nal y cu e cifranan lo normalisa”, e
mandatario a aclaria.

Comparando cu e region Caribense,
nos isla ta sigui di ta un di esnan
mihor, cu a crece mas den e prome
6 lunanan di e aña aki, special-
mente den RevPar y den cantidad
di turista yegando nos isla via avion.
“Esaki ta demostra atrobe cu e
modelo pa tin un ATA realmente
independiente ta bayendo bon y
ta duna nan espacio pa haci tur lo
posibel, explora tur opcionnan, pa
ta mas creativo posibel, pa sigui
atrae mercadonan nobo y sigura cu
aerolineanan tin stoelnan disponi-
bel pa trece mas turista pa nos isla”,
di acuerdo cu e mandatario, Mike
de Meza.

Minister Mike de Meza ta orguyoso
di e resultadonan, tambe di partner-
nan strategico manera AHATA y
Aruba Airport Authority. Hunto lo
logra alcansa e meta di crecemento
cu a fiha p’e aña aki.