Page 43 - ATA
P. 43
AHATA preocupa pa desaroyonan
den sector turistico
11 March, 2018
0
E dos comisionnan di Parlamento, esta comisionnan di Turismo, Finansa y
Economia a tene un reunion cu e hunta directiva di Aruba Hotel and Tourism
Association (AHATA). Durante e reunion aki e Parlamentarionan a scucha
diferente preocupacion den e sector turistico di parti e hunta directiva di AHATA.
Parlamentario di MEP, Louisette Christiaan-Yarzagaray, a expresa cu no ta
prome biaha nan a yega di scucha cu falta empleado. Hopi biaha tipo di
trabounan cu Arubianonan no kier eherce ta un topico cu a bin dilanti na
diferente ocasion. E sector turistico ta uno hopi grandi y e Parlamentario ta kere
cu nan ta sinti esaki mas. Esaki tin di haber pa 2 cos, di cual e prome ta e tipo
di polisa (beleid) con nan ta maneha hendenan di afo pa haya e permiso
necesario. E di dos punto ta con a forma e hendenan aki na Aruba pa traha e
tipo di trabounan aki. Nan ta pensa cu e ta un combinacion di drecha e
procesonan di Gobierno, pa canalisa e proceso aki mas facil.
