Page 47 - ATA

Parlamentario di MEP, Louisette Christiaan-Yarzagaray, a expresa cu no ta prome biaha nan a yega
di scucha cu falta empleado. Hopi biaha tipo di trabounan cu Arubianonan no kier eherce ta un topico
cu a bin dilanti na diferente ocasion. E sector turistico ta uno hopi grandi y e Parlamentario ta kere cu

nan ta sinti esaki mas. Esaki tin di haber pa 2 cos, di cual e prome ta e tipo di polisa (beleid) con nan
ta maneha hendenan di afo pa haya e permiso necesario. E di dos punto ta con a forma e hendenan
aki na Aruba pa traha e tipo di trabounan aki. Nan ta pensa cu e ta un combinacion di drecha e

procesonan di Gobierno, pa canalisa e proceso aki mas facil.

Parlamentario di MEP y Presidente di comision di asunto economico, financiero y personeel
organizatie, Daphne Lejuez tabata presente na e reunion cu hunta directiva di AHATA, unda a

scucha tur inkietud y nan plannan. Tambe kico nan ta mira como desaroyo den turismo y asina nan
por haya un miho idea kico ta e necesidadnan di e sector turistico, pero tambe conhuntamente con pa
yega na solucionnan pa yuda crece e sector aki.

E prome reunion cu Parlamento tabata uno fructifero, asina general manager di De Palm Corporation,
Warren Stanley a duna di conoce. A discuti hopi reto cu AHATA y e industria turistico ta
experenciando. E hunta directiva di AHATA ta sinti cu tur punto treci padilanti tabata bon ricibi y e

feedback cu nan a haya tabata bon. E hunta directiva a mustra nan preocupacion riba e economia y e
empleadonan, p’esey nan a trece e puntonan aki dilanti. E prome reunion pa Parlamentarionan y
hunta directiva di AHATA tabatin resultado fructifero. Ambos partido ta premira cu lo bin mas

combersacion.