Page 27 - KPA

a12 riba caya
Diahuebs 12 OctOber 2017
Criatura di 2 aña riba caminda na Monserat

ORANJESTAD – Den siman cu a pasa, un persona atento a topa cu un criatura di
apenas 2 aña riba caminda, den e bario di Monserat.

E chikitin tabata core riba un bais chikito pafo di He Supermarket riba e caminda na Monserat
pa e bario Kamay.

E mucha tabata perdi y e no por a conta e persona atento unda e ta biba.
Patruyanan a presenta di biaha na e sitio, pero no por a haci mucho pa haya sa con su nomber
ta y unda e ta biba.
A bay warda cu e criatura, mientras polis tabata busca den bisindario pa wak ken por a perde
su yiu.

Despues di un rato e mayornan a haya falta di e mucha y a para e polisnan. E oficialnan a in-
forma e mayornan locual cu a pasa y a somenta nan pa presenta na warda di Noord.

Polis ta hiba homber cu ta sinti malo hospital

ORANJESTAD – Recientemente polis mester a hiba un persona hospital, pa motibo cu e homber tabata
sinti dolor na pecho y e no tabata tin sentimento den su brasa robes.
Polis tabata atendiendo un otro caso den e bario di Shiribana, ora nan a wordo acerca pa un persona masculino.

El a declara cu e tin un sentido cu e ta haya un ataca di curason. Tambe el a declara cu e tin cu saca. Polis no a duda
niun momento y a hiba e homber den su mes un auto hospital.

Cu permiso di Central di Polis, nan a pone luz di zwaai y sirena riba e dak di e auto. E persona a wordo atendi mesora
na hospital.

Turista a wordo asalta y a bay cu auto di huur

ORANJESTAD – Antisocialnan a asalta un par di tur-
ista, patras di Brickel Bay hotel na Palm Beach. Esaki
a sosode ayera nochi (diaranzon). Ta trata di un van
v1001.

E turistanan a keda tur spanta di locual cu pasa cu nan. E
atraco team a presenta pa haci nan investigacion..