Page 14 - HOSPITAAL

Dialuna, 4 December 2017 AWEMainta 7

Lilli Prince di KWF

Si haya yamada di BOB pa test pecho, acudi

LILLI Prince, Presidente di Koninging Wil-

helmina Fonds, den un conferencia siman
pasa a haci un apelacion fuerte pa muhenan
pa acudi na e cita na momento cu nan wordo
aserca door di e fundacion BOB (Bevolking-
sonderzoek Borstkanker) Aruba.
E fundacion BOB aki tambe ta traha riba
tereno di cancer, pero nan ta concentra riba
e parti di prevencion. Nan lema ta: “Bo miho
defensa ta … detecta cancer di pecho tem-
pran”.
Segun el a splica BOB, ta manda yama e se-
ñoranan pa acudi na un cita unda cu nan
por haci un test pa cancer di pecho. “Mi
kier haci un yamada na cada hende muhe.
Na momento cu bo haya un carta di BOB,
acudi. Nan ta yama e damanan entre 45 y
75 aña y no duda, acudi. Tin biaha bo por
evita un dolor cu no tin palabra pa describi.”
SI bo a haci chekeo caba via di dokter di cas
of hospital, yama nan tambe pa informa nan
di esaki y e resultado pasobra e ta hopi im-
portante.
Prince a bisa di ta haci e apelacion aki pa-
sobra e tin hopi aña den e fundacion y e ta
mira cu e cantidad di cancernan di pecho ta
aumenta pa dia. E trabou cu e fundacion aki
ta haci ta hendenan cu un curason y cu ta
preocupa pa tur hende muhe haci e testnan
aki pa preveni. E test ta completamente gra-
tis y solamente mester presenta cu e carchi
di AZV.

BOB ta funciona durante henter aña paso-
bra nan ta pasa nan ta pasa den tur bario
di Aruba, cu nan ta parti den pida pida pa
por atende tur e hende muhenan den e edad-
nan ya menciona. Ta importante pa contesta
e yamada aki, pasobra hopi biaha e cita ta
wordo haci y e hendenan no ta acudi, pero
no ta yama cancela. “E ta un fundacion cu
tin e damanan na curason, pasobra miho
preveni cu cura.”