Page 28 - HOH

Inicialmente, semper ta percura pa e pashentnan haya e bon comunicacion, calidad den
e atencion. A agrega cu den e ultimo añanan, nan a bin ta traslada entre 5 pa 7
pashent di Aruba pa luna, dependiendo di e gravedad.

Un bes cu e servicio ta wordo activa, den dos ora e avion ta bulando pa Aruba y di
Bucaramanga pa Aruba ta un ora di vuelo. Esaki ta garantiza pa e servicio por ta lihe,
directo y cu e mediconan por tin tur e atencion adecua posibel, e ehecutivo a duna di
conoce.

E comunicacion entre e oficina internacional di e fundacion directo cu hospital ta
garantiza cu ora cu ta bay atende un pashent ya caba tin henter un analisis di e
complehidad y di e tratamento cu e pashent mester for di e momento cu e ta wordo

busca na Aruba.

Luna a sigui bisa cu e avion ambulans ta disponibel 24/7. Recientemente nan a bin
Aruba pa busca un señora na estado, cu un embarazo critico.

E sistema di emergencia a wordo activa 1’or di mainta y pa 6 am e avion ambulans
tabata na Aruba cu e tripulacion di cuidonan intensivo di e departamento di maternidad
di e fundacion disponibel na Aruba y hibando e pashent mas lihe posibel pa

Bucaramanga, a indica.

El a enfatiza cu e avion ambulans ta atende cu tur sorto di pashent, sin importa e
complicacion cu nan ta presenta. Tur e servicionan y specialidadnan cu e fundacion y e

hospitalnan tin ta wordo ofreci den e avion. “Nos ta maneha un UCI (unidad di cuidonan
intensivo) den e avion. Ta importante pa por atende e necesidad ey”, a bisa.

E miho ehempel ta ora cu tin vuelonan ECMO (Extracorporeal membrane oxygenation).

Akinan ta pone den e avion un anestesiologo cardiovascular, ciruhano cardiovascular,
instrumentador, kiermen, full un sala di ciruhia completo den e avion cu ekiponan
ECMO.

E team aki ta yega y ta haci un intervencion chirurg chikito den e pashent pa e por
haya tratamento na Aruba mes y asina por garantiza e bida di e pashent y e atencion
inmediato. Na e momento ey e tratamento ta inicia mientras cu e ta wordo traslada na
Colombia pa continua cu e tratamento na e clinica mes.