Page 27 - HOH

* Entre 5 pa 7 pashent pa luna ta haci uzo di avion-ambulans

ORANJESTAD (AAN): AZV ta trahando for di basta tempo caba cu clinicanan di afo cu ta
brinda e pashentnan di Aruba tratamento specializa ora cu no por ofrece esaki na Aruba

mes.

Un parti di e proceso ora di atende cu pashentnan tambe tin di haber cu pashentnan
den condicion critico of den casonan di emergencia cu mester wordo manda afo.

Por ehempel, ta conoci cu ora cu un persona bira malo y mester haya tratamento afo,
ora cu un accidente pisa ta sosode y e persona mester di tratamento mas specializa,
nan ta wordo manda Colombia den Air Ambulance.

DIARIO a tene un entrevista cu Alejandro Luna, Gerente di e servicio di Avion-
Ambulance di Fundacion Cardiovascular – AZV.

El a bisa cu esaki ta un servicio cu nan ta brindando for di 7 aña caba. E fundacion a
pone den servicio directo pa AZV un avion ambulans. Den un principio e intencion
tabata pa por a hiba e pashentnan di Aruba directamente na e Fundacion
Cardiovascular.

Segun Luna, awendia e razon di existencia di e avion ambulans ta cu e ta solamente pa
ofrece servicio na AZV como prioridad di tur e trasladonan. A agrega cu e mesun
Fundacion Cardiovascular di Colombia y e hospital internacional di Colombia ta pone e

mediconan den e avion y ta trece nan Aruba.

“Realmente ta un extension di tur loke e pashentnan di Aruba ta bay haya na
Bucaramanga (Colombia) na Aruba, den e avion”, a remarca.

E tratamentonan ta inicia na e momento cu e pashent ta wordo poni den e avion. Tin un
analisis previo cu ta wordo haci ta wordo poni na disposicion asina cu ateriza na Aruba.

Esey ta e balor agrega di e servicio, cual no ta solamente transporta e pashent, sino por
ofrece nan tur e calidad di e Fundacion Cardiovascular te na Aruba, ya sea pa
Bucaramanga, Bogota, Cali of cualkier otro destino rekeri, Alejandro Luna a splica.