Page 22 - HOH

Pa logra esaki ta traha hopi di cerca cu clinicanan di Colombia, entre otro di Bogota,
Bucaramanga, Cali, pero tambe di Hulanda y Merca.

DIARIO a tene un entrevista cu e ciruhano cardiovascular, Dr. Victor Raul Castillo,

director ehecutivo di Fundacion Cardiovascular di Colombia kende a indica cu e relacion
aki cu AZV y cu e pashentnan di Aruba ta hopi importante.

Ta un relacion di apoyo mutuo desde 7 aña pasa. For di 2012, nan ta ricibiendo

pashentnan di Aruba y cada biaha ta traha di un manera mas integra cu AZV, pero
tambe cu e pashentnan.

Den e siete añanan aki a atende mas di 6 mil pashent. Desde pashentnan hopi complica

y di menos complehidad, a indica.

Segun Dr. Castillo, ora cu a cuminza atende e pashentnan di Aruba, basicamente tabata
atende pashentnan cu problemanan cardiaco. Ora cu e habri e hospital internacional, cu

tin tur e specialidadnan, nan a cuminda haya pashentnan di otro specialidadnan manera
oncologia, neurologia, materno, trauma, oftalmologia, ademas di e malesanan
cardiovascular.

El a agrega cu por mira den e transcurso di tempo aki un resultado hopi satisfactorio.
Ta un oportunidad hopi importante pa trata e pashentnan di Aruba y di e otro islanan y
nan ta esforza pa e resultadonan ta e mihornan posibel.

E medico a enfatiza cu e medicina cu ta wordo practica na Colombia ta un medicina di
un nivel hopi halto. E resultadonan ta similar na e resto di hospitalnan rond mundo.

No por afirma cu tur e hospitalnan na Colombia por ofrece e mesun resultadonan. Pero

esunnan cu ta acredita internacionalmente ta haci un esfuerzo enorme den atende den
un forma eficiente e pashent y e resultadonan ta hopi similar, a remarca.

https://www.diario.aw/2019/12/mas-di-6-mil-pashent-arubiano-a-wordo-atendi-na-bucaramanga/