Page 24 - paul

Prome Minister Mike Eman ta felicita y gradici gruponan cu
ta participa den Desfile Nacional

Friday, 20 March 2015 21:23
Comparti

E caracter estricto di un ceremonia protocolario ta keda suavisa pa e participacion abundante y colorido
di nos ciudadanania den e Desfile Nacional 2015.

Ekiponan deportivo, organisacionnan social, gruponan di scouting, baile y te hasta clubnan di auto ta

ilustra con un gran parti di nos poblacion ta activo di un manera positivo. Prome Minister Mike Eman ta
disfruta enormemente di wak e segmento aki durante e celebracionnan nacional tur aña na luna di

maart.

Como un activista di comunitarismo, ta un satisfaccion pa wak con persona di tur generacion ta sea
dunando man na otro, haciendo movecion sano of ta disfruta di un hobby en comun. Cua cu por ta e

motibo, cada un ta crea lasonan den e comunidad cu ta continua te hasta pafo di e actividad comparti y

durante henter 12 luna di aña.
Ta en berdad un goso pa Gabinete Mike Eman II di por a wak diaranson ultimo con un total di casi tres

mil persona tabata riba pia, y algun te hasta riba cabay, demostrando con nos ta un pais no solamente

multicultural, pero tambe multifacetico.
Tabatin mas cu 60 grupo, entre cual mester menciona tambe oficialnan di Arumil, Formacion Social;

boluntarionan di Cruz Cora Aruba y Brigada Bomberos del Caribe, atletanan local di landamento, futbol y

baseball. Organisacionnan di formacion di liderazgo tambe ta masha importante y por a mira varios

capitulo, entre nan Kiwanis y naturalmente Scouting.
E Desfile Nacional ta un actividad cu ta ripiti tur aña riba 18 di maart cu e intencion pa ilustra

exactamente tur e calidad y bon boluntad cu ta existi riba nos dushi isla. Tabata imposibel pa Prome

Minister Mike Eman cuminda cada un di e participantenan, pero sigur kier a expresa su danki di
curason. Danki na un y tur pa nan aporte na un tremendo celebracion di nos Dia di Himno y Bandera,

pero principalmente pa e trabou valioso cu ta haci durante henter aña.

Comision di Labor di Parlamento a reuni cu Minister di
Labor drs. Paul Croes

Friday, 20 March 2015 19:16
Comparti