Page 25 - paul

Parlamentario Sra. Desiree de Sousa – Croes Presidente di comision di labor a invita Minister di Labor
drs. Paul Croes pa asina atende algun puntonan di importancia cu ta regarda cambio den BWA Burgelijke
Wetboek van Aruba cu ta relaciona cu ley laboral.

Tambe Minister a haya oportunidad tambe pa elabora mas riba e maneho riba e projecto di “ Ban traha”
hunto cu e comision di Labor.

Mirando cu Minister Paul Croes mes a pidi e comision pa dune conseho riba e cambionan y planan den
su maneho pa loke ta labor comision ta hopi dispuesto di por duna esaki na e Minister. E comision sigur
ta hopi contento di mira e forma cu Minister Paul Croes ta preparando pa e cambionan den e Codigo Civil
di Aruba pa locual ta trata aspectonan laboral. E Ley aki dentro di poco lo keda trata den Parlamento di
Aruba y Minister a haye na su luga pa por ricibi feedback di comision prome cu esaki bay parlamento pa
aprobacion.
Sra. De Sousa –Croes a duna di conoce cu e ta hopi satisfecho riba e contestanan ricibi riba diferente
punto cu a wordo presenta y como tambe cu sr Thijsen a duna su contribucion skerpi pa asina pone su
preocupacionan dilanti pa e mehoracion di e leynan laboral aki.
Comision di Labor di Parlamento tambe a haya un splicacion di e maneho pa re-integra personanan cu ta
cobrando un bijstand riba e mercado laboral. E projecto "Ban Traha" cu desde Januari 2014 a keda
anuncia, y un protocol a keda firma na Juni 2014 ta logrando su meta. Na Januari 2014 tabatin 2912
persona cu tabata cobrando bijstand y na Maart 2015 esaki a yega 2685. Esaki ta un caida di 227 persona
menos cu ta cobrando bijstand. Esaki ta representa rond di 2.2 miyon florin menos cu lo wordo paga na
bijstand. Minister Paul Croes a mustra cu e meta no ta pa stroba hende cu merece un bijstand pa haya
esaki, pero esnan cu por traha, Minister kier mira nan trahando. Un reunion cu a bai den bon ambiente y
cu sigur Minister Croes lo tene cuenta cune durante tratamento den parlamento di Aruba.