Page 17 - DIARIO 30 OCTOBER 2021 COMPLETO.indd

DIALUNA 1 NOVEMBER 2021 DIARIO PAGINA 17
Jerianne Tiel di Fundacion Respaldo:
Evento ‘Let’s Art About Mental Health’ tabata tin e meta

di concientisa comunidad riba salud mental

ORANJESTAD (AAN):
Jerianne Tiel di Fun-
dacion Respaldo, un di
e organisadornan di e
evento ‘Let’s Art About
Mental Health’ hunto cu
otro stakeholders a uni
pa haci e actividad aki
posibel.
E evento tabata tin como
meta pa crea concientisa-
cion riba salud mental na
Aruba y purba di kibra e
stigma na un manera pla-
centero door di combina
arte cu salud mental, a
bisa.
El a remarca cu salud
mental ta concerni tur
hende, hende di cualki-
er edad. Pesey tambe e
evento tabata dirigi pa
pueblo completo unda
a inclui actividadnan pa
muchanan y workshops.
E idea tabata pa trece tur
hende hunto.
Tiel a bisa cu e ta spera
di por a logra di haci algo
cu di berdad por a uni e
pueblo di Aruba y pa
por haci e tema di salud
mental mas conoci y cu
por sigui compronde cu
union ta haci forsa.
Aruba mester mas di e
iniciativanan aki, a re-
marca.